Luka 1:67 - MUKANDA USANDU WA ZAMBI 1975

⁶⁷ Tato Zakaria wazalile tò ni Spiritu Musandu, yaprofeteza ngwenyi,

Mukanda Wa Zambi 1970

⁶⁷ Zakaria, tato ya mwana, yazala ni Mwiku wa Linanga, mba yahanjika maliji wano ngwenyi:

Luka 1:67 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Kwalula 11:25

Yehova yahulumuka mu lelwa, yahanjika nenyi, yachiza kuli Spiritu wapwile hali iye, yamusa hali e makumi shimbiali a makulwana. Mba muze te mwe Spiritu hapwila hali ayo, o yaprofeteza, hindu kalingile chocho nawa.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 1:41

Muze Izabele evwile kumeneka cha Maria, mwana-kemba watumbukile mu jimo lienyi; ni Izabele wazalile tò ni Spiritu Musandu;

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 2:8

Ngwe kuchi yetu tunevu mutu ni mutu mu limi lienyi mwene, lize twasemukine nalio?

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.