Luka 1:66 - MUKANDA USANDU WA ZAMBI 1975

⁶⁶ Mba waze eswe ayivwile, ayipachikile mu mbunge jo, ngwo, Yono mwana kuchi makapwa? Ni kwoko lia Mwene liapwile hamwe nenyi.

Mukanda Wa Zambi 1970

⁶⁶ Waze eswe achivwile yaanyonga ni kulihula ngwo: “Mwana yono kuchi makabwa?” Chamwenemwene kuma te kali ni tachi ja Mwene Zambi.

Luka 1:66 Iomraidhean Croise

Ubutukilo 37:11

Ayayo amuvwilile ukwa, alioze tato wafungile maliji ano mu mbunge yenyi.

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

1 Yitanga Ya Mianangana 18:46

Kwoko lia Yehova yiliza hali Eliya chocho iye yalijichika mu zalilo yazomboka kulutwe lia Ahabe ndo ku chikolo cha Yezerele.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Miaso (Masamu) 80:17

Kwoko lie likapwe hali mutu wa chindume che; hali mwana mutu yoze wamutakamisa hali yena mwene.

Miaso (Masamu) 89:21

Kwoko liami mulikatakama nenyi. Kwoko liami nawa mulikamutakamisa.

Luka 1:80

Mwe mwana watatukile, wafundwile mu Spiritu, wapwile mu puya ndo tangwa lia kumulweza kuli A-Izalele.

Luka 2:19

Alioze Maria wafungile maliji ano eswe nikwazewula mu mbunge yenyi.

Luka 2:40

Mwe Mwana watatukile, watakamine mu Spiritu, wazalile tò ni mana: ni vumbi lia Zambi liapwile hali iye.

Luka 2:51

Iye wapalumukine hamwe no ku Nazare, wazeyele kuli ayo; ni naye wafungile maliji ano eswe mu mbunge yenyi.

Luka 9:44

Maliji ano anjile mu matwi jenu; mumu kumakakunjika mwe Mwana Mutu mu moko ja atu.

Yilinga 11:21

Kwoko lia Mwene liapwile hamwe no: anji afulielele, atewulukilile kuli Mwehe.

Kolosu 1:5

Mumu ha kutalatala chize hananutulikila mu malilu; ha chino nwevwile kulu mu liji lia umwenemwene wa sango lipema.

1 Samuel 16:18

Umwe mukweze wakumbulwile ngwenyi, Hinamona umwe mwana wa Yese wa ku Mbeteleme kananyingika kwimba kanawa. Kapwa nawa chitakame, mukwa hamu, kajita, chikanyame, mupema ku meso, ni Yehova kali nenyi hamuwika.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.