Luka 1:64 - MUKANDA USANDU WA ZAMBI 1975

⁶⁴ Ni kanwa lienyi liapakukile haze hene ni limi lienyi liatusukile, neye wahanjikile nikufumanyisa Zambi.

Mukanda Wa Zambi 1970

⁶⁴ Hazehene limi lia Zakaria yilitusuka, yabutuka kuchichimieka Zambi.

Luka 1:64 Iomraidhean Croise

Miaso (Masamu) 51:15

Mwene, pakula kama mivumbo yami, mba kanwa liami mulikambulula uhaliso we.

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Izaya 12:1

Muwamba ha tangwa lize ngwe, Ngunakusakwilila Yehova, mumu chipwe watenukine ni yami, utenu we hiunakondoloka, hiwanguwumbijeka.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Ezekiel 29:21

Ha tangwa lize mungukasokesa mbinga hakachi ka akwa munyachi wa Izalele mba mungukapakula mivumbo ye hakachi ko. Henaho makanyingika yami nguli Yehova.

Ezekiel 3:27

Alioze muze munguhanjika ni yena mungupakula kanwa lie, ukambe kuli ayo ngwe, Mwene Yehova kanambe ngwenyi. Mweswe mevwa, akevwe; mweswe mapangula, apangule, mumu o kapwa munyachi wa yihulia.

Ezekiel 33:22

Achi kwoko lia Yehova te linakangupwila ha chingoloshi shimbu te mwe mukwa kuchina kanda achiheta. Alioze hanangupakwila kanwa liami muze mwe mutu manguheta ha chimene. Chocho kanwa liami linapakuka; chapwile nawa kamama.

Mateu 9:33

Mba muze te hatuhwisa ndemoniu, kamama wahanjikile: ni mbunga alishikishilile ngwo, Kuchasolokele chocho nilimwe tangwa mu Izalele.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.