Luka 1:6 - MUKANDA USANDU WA ZAMBI 1975

⁶ O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Mukanda Wa Zambi 1970

⁶ No eswe aali yaabwa akwa ululi ku meso ja Zambi, yaafunga Shimbi jeswe ni ndako jeswe ja Zambi, te keeshi kapalia.

Luka 1:6 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

Ubutukilo 7:1

Mba Yehova yamba kuli Noe ngwenyi, Njila mu ulungu ni yena ni akwa zuwo lie eswe, mumu nakumona yena mukwa ululi kumeso jami mu chisemuko chino.

1 Yitanga Ya Mianangana 15:5

mumu David walingile chipema kumeso ja Yehova. Kapiasukile ku shimbi niyimwe wamwambile miaka yeswe ya mwono wenyi, shina mu chikuma cha Ka-Hete Uriya.

1 Yitanga Ya Mianangana 9:4

Ha kutwala kuli yena, nyi muwenda kumeso jami ngwe tatenu David wendele ni kutuwika cha mbunge, ni ululi, ni kulinga yuma yeswe nakutuma, nikufunga yiyulo yami ni upatwilo wami,

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

2 Sango Ja Mianangana 17:4

Alioze wafupile Zambi ya kalamba kenyi nikwenda mu maliji jenyi. Kendele mu yitanga ya Izalele.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 1:8

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi.

Jobe 9:2

Ngunachinyingika; chochene pundu. Alioze mutu kuchi masamba kumeso ja Zambi?

Miaso (Masamu) 119:6

Nyi chocho chichi kwivwa sonyi muze mungulemesa shimbi je jeswe.

Luka 1:7

Alioze kapwile ni mwana, mumu te Izabele wapwile mumba, no eswe aali miaka yo hiyoka.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Yilinga 2:25

Mumu David yamba ha kutwala kuli iye ngwenyi, Namwene mwe Mwene kumeso jami matangwa eswe; mumu iye kwali ku kwoko liami lia chindume, hanga chichi kakokoloka;

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Yilinga 8:21

Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.

A-ROMA 8:4

Hanga ululi wa shimbi ukamanunuke muli yetu, kutushi kwenda nikulita ni musunya, alioze twakwenda nikulita ni Spiritu.

1 Korintu 11:2

Achi, ngunanuhalisa, mandumbu, nwakungwiwuluka ha yuma yeswe; nwakukakaminya ku je ndongo, chizechene ngwe nanukunjikilejo.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Kolosu 1:22

hindu haliapwila hananuwanyisa mu mujimba wa musunya ku kufwa, mukunutumbikila ku usandu, kunushi kapalia, akwa kusamba kumeso jenyi.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

2 Petulu 3:14

Kashika, akwetu a zango, se nwakutalatala yino yuma, lipupwisenu hanga akanuwane kuli iye ni sambukila, kunushi chipeka hanji kapalia.

1 Yoano 2:29

Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.

1 Yoano 2:3

Ku chino tunase chinyingi ngwetu, tunamunyingika, kachi tunafungu shimbi jenyi.

1 Yoano 3:7

Yenu ana akepe, niumwe kanda akanwonga: yoze wakulingalinga ululi iye mukwa ululi, chizechene ngwe iye mukwa ululi.