Luka 1:59 - MUKANDA USANDU WA ZAMBI 1975

⁵⁹ Mba ha tangwa liamuchinake ejile akapwise mwe mwana ngalami; o ambile kumuluka jina lia tato ngwo, Zakaria.

Mukanda Wa Zambi 1970

⁵⁹ Muze mwana habwa ni matangwa nake, yisemi yeeza akamupwise ngalami. Atu yaazanga kumuluka jina lia tato Zakaria,

Luka 1:59 Iomraidhean Croise

Ubutukilo 17:12

Mweswe maheta ku matangwa nake hakachi kenu akamupwise ngalami, lunga mweswe ndusu yisemuko yenu, chipwe yoze wasemuka mu zuwo chipwe yoze wa kulanda ni mbongo kuli mukwa munyachi weka, hi munyachi wenu ko.

Alevi 12:3

Ha tangwa liamuchinake mapwisa mwe mwana ngalami.

Luka 2:21

Ku songo lia matangwa muze hamupwisa ngalami, amulukile jina ngwo, Yesu, lienalio amulukilelio kuli mungelo, muze te jimo kanda lichiseseka.

Yilinga 7:8

Iye wamuhele usendo wa ungalami: chocho Apalahama wasemene Izake, wamupwishile ngalami ha tangwa liamuchinake; Izake wasemene Yakomba, Yakomba wasemene kumi lia tulamba ni tulamba aali.

Filipu 3:5

Angupwishile ngalami ha tangwa liamuchinake, wa ku munyachi wa Izalele, wa ku vungu lia Mbenjamine, Ka-Hepreu hakachi ka A-Hepreu, ha kutwala ku shimbi, Ka-Fwariseu.