Luka 1:58 - MUKANDA USANDU WA ZAMBI 1975

⁵⁸ Enyembo jenyi ni usoko wenyi evwile ngwo, Mwene hokesa keke yenyi kuli iye, no awahililile hamwe nenyi.

Mukanda Wa Zambi 1970

⁵⁸ Enyembo ja Isabele (Elisabete) ni usoko wenyi yeevwa ngwo, Mwene Zambi hamwokesela keke. No yaawahilila hamwe nenyi.

Luka 1:58 Iomraidhean Croise

Ubutukilo 19:19

Tala haliapwila yami kavumbi kenu hinawana vumbi kumeso jenu, hinwokesa keke yino nwangulweza ha kungulamwina mwono wami. Chahashile kuchinyina ku mulundu kuchina chipi muchinguwana ngukafwe.

Ubutukilo 21:6

Sara yamba ngwenyi, Mba Zambi hangwaha kuseha, ni waze eswe machivwa maseha hamwe ni yami.

Miaso (Masamu) 113:9

Mumba kakumupwisa mukwa kufunga zuwo, akapwe semi ya ana nikuwahilila. Halisenu Yehova!

Yishima 23:25

Tatenu ni noko akawahe; pwo yoze wakusemene akawahilile.

Luka 1:14

Kumukapwa ni uwahililo ni kulikwiza; anji kumakawahilila ha kusemuka chenyi.

Luka 1:25

Chocho Mwene hanalingi kuli yami, ha matangwa aze muze atalile hali yami mukuchiza luchoko yoze akungwamba hakachi ka atu.

Luka 1:57

Achi, mwaka wa kusema cha Izabele wamanunukine; iye wasemene mwana-lunga.

Luka 14:12

Iye wambile kuli yoze nawa wamulakenyene ngwenyi, Muze yena mulinga kulia, hanji chiteleka, kanda ukalakenya tusendo twe, chipwe ana-akwenu, chipwe ayayenu, chipwe usoko we, chipwe enyembo a pichi, kuchina hanji makulakenya tangwa likwo, akakukundululecho.

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.