Luka 1:51 - MUKANDA USANDU WA ZAMBI 1975

⁵¹ Hanalweze ndundo ni kwoko lienyi; Hanamwange akwa kulengumuka mu kunyonga cha mbunge jo;

Mukanda Wa Zambi 1970

⁵¹ Halinga ni kwoko lienyi lia ndundo. Hamwanga akwa kulitohesa mu manyonga jo.

Luka 1:51 Iomraidhean Croise

Ubutukilo 11:8

Chocho Yehova yaamwanga kuze mwamwa hashi heswe, mba yalitwamina kutunga limbo lize.

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Miaso (Masamu) 118:15

Mu mbalaka ja akwa ululi mwatwama liji lia chiseke ni ulamwino. Kwoko lia chindume lia Yehova kuliakulinga ni tachi.

Miaso (Masamu) 33:10

Yehova kakupwisa yamokomoko yiyulo yeswe ya mavungu; manyonga eswe a atu kakwapwisa amokomoko.

Miaso (Masamu) 52:9

Mungukuhalisa matangwa eswe mumu yena wachilinga. Mungutalatala ku jina lie kumeso ja asandu je mumu kuliapema.

Miaso (Masamu) 63:5

Mbunge yami muyikayuka ni usongosongo ni maji. Kanwa liami mulikuhalisa ni mivumbo ya uwahililo,

Miaso (Masamu) 89:10

Wamakwine Rahape tuyipinji ngwe yoze hamushiha. Wamwangine akwa kole je ni kwoko lia tachi je.

Miaso (Masamu) 89:13

Kwoko lia ndundo ukwete. Kwoko lia Hapwa lia tachi; kwoko lie lia chindume kulianangama.

Miaso (Masamu) 98:1

Embilenu Yehova mwaso waha, mumu hanalingi yuma ya kukomwesa. Kwoko lienyi lia chindume, kwoko lienyi lisandu hilinalingi ulamwino hali iye mwene.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Izaya 40:10

Mwene Yehova kaneza ni ndundo, kwoko lienyi linamukwachila chiyulo. Kwononona chenyi kaneza nacho, fweto yenyi yinamutetekela.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 63:12

Yoze wasele kwoko lienyi lia uhenya kwe ku kwoko lia Mose lia chindume; yoze wapulile e meya kumeso jo nikulifumanyishina jina lia mutolo iya?

Jeremia 49:15

Mumu mungukupwisa mukepe hakachi ka mavungu, akakusaule kuli atu.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

2 Korintu 10:5

twakupupa malinjekela ni yuma yeswe ya kwilu, yize yakulinangamisa kulimika ni chinyingi cha Zambi, twakutwala manyonga eswe ku ufunge akononoke kuli Kristu;

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.

Usolwelo 18:8

Kashika ha tangwa limuwika lamba lienyi kumulikeza, kufwa ni kunenganyana, ni kapunga; kumakamwocha ni kahia; mumu mukwa ngolo, Mwene Zambi yoze wakumupatwila.