Luka 1:49 - MUKANDA USANDU WA ZAMBI 1975

⁴⁹ Mumu mukwa tachi jeswe hanangulingila yuma yinene; Jina lienyi lisandu.

Mukanda Wa Zambi 1970

⁴⁹ mumu Zambi, Mukwa Ndundo Jeswe, hangulingila yuma yinene. Jina lienyi lia linanga.

Luka 1:49 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Miaso (Masamu) 111:9

Hanatumu ukule kuli atu jenyi. Hanahana shimbi ya usendo wenyi ku miaka ya mutolo jina lienyi lisandu; kole ni woma.

Miaso (Masamu) 24:8

Yono Mwanangana wa ulemu iya? Yehova mukolo, mukwa ndundo; Yehova mukwa ndundo mu jita.

Miaso (Masamu) 99:3

Akachichimieke jina lie linene lia woma, mumu Hapwa lisandu.

Miaso (Masamu) 99:9

Nangamisenu Yehova Zambi yetu, nukawayile ku mulundu wenyi usandu, mumu Yehova Zambi yetu iye musandu.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Izaya 1:24

Kashika Mwene kanambe, mwe Yehova-wa-Tujita, mwe Mukwa-Ndundo wa Izalele ngwenyi, Munguzukwila ufwatulo hali akwa kole jami; mungufwetesa akwa kulimika ni yami.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 6:3

Umwe watambikile kuli mukwo ni mukwo ngwo, Yehova-wa-Tujita aye musandu, musandu, musandu. Hashi heswe hanazala ni uhenya wenyi.

Izaya 63:1

Iya yono kanakatuka ku Endome, kanazala uzalo wa ulombo uchila wa ku Mbozera, mazalo jenyi a uhenya, kanende mu kulumbama cha tachi jenyi? Yami nguneza nikwambujola usambiso, yami nguli ni ndundo kulamwina.

Jeremia 10:6

Kukushi niumwe walita ni yena Yehova, uli munene, ni jina lie linene ni ndundo.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Marku 5:13

Haze hene Yesu waatayijile. Ni maspiritu a luchisa atuhukile, anjilile muli ngulu, ni chendo alundumukine ha mbongo mu Chitende, ngwe tununu aali; afwile mu Chitende.

Luka 1:48

Mumu hanatale ulelu wa ndungo yenyi wa pwo; Mumu chize ku haliapwila ndo ku miaka, Yisemuko yeswe kumuyikanguvuluka ngwo, Kawaha.

Luka 1:50

Keke yenyi kuyili ku yisemuko ni yisemuko kuli waze akumuvwila woma.

Efesu 3:20

Haliapwila kuli yoze wakuhasa kulinga kuhiana chikolo chize cheswe mutwita, hanji mutunyonga, nikulita ni tachi jize jakulinga muli yetu,

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 4:8

Akwa mwono awana, akwete umwe ni umwe mapulwa asambano, kanazala tò ni meso ha kujingilika ni muchima: o keshi kuhwima mwalwa ni ufuku, kakwamba ngwo, Musandu, musandu, musandu, Mwene Zambi ya Ndundo-Jeswe, yoze wapwile, kwali, meza kupwa.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.