Luka 1:41 - MUKANDA USANDU WA ZAMBI 1975

⁴¹ Muze Izabele evwile kumeneka cha Maria, mwana-kemba watumbukile mu jimo lienyi; ni Izabele wazalile tò ni Spiritu Musandu;

Mukanda Wa Zambi 1970

⁴¹ Ha shimbu lize Isabele (Elisabete) hevwa kumeneka cha Maria, mwana kemba yatumbuka mu jimo. Isabele (Elisabete) yazala ni Mwiku wa Linanga,

Luka 1:41 Iomraidhean Croise

Ubutukilo 25:22

Ana alitachikile mu jimo lienyi chocho yamba ngwenyi, Nyi chapwa chamwenemwene, kuchi te napwa Chichize? Mba yaya achihule kuli Yehova.

Miaso (Masamu) 22:10

Nalimbilile hali yena chize ku jimo; yena uli Zambi yami chize ku jimo lia mama.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 1:40

Wanjilile mu zuwo lia Zakaria, wamenekene Izabele.

Luka 1:42

wakololokele ni liji linene ngwenyi, Kuwawaha mukachi ka mapwo, ni muhuko wa jimo lie kuwawaha.

Luka 1:44

Mumu, muze liji lia kumeneka che hilianjila mu matwi jami, mwana-kemba katumbuka ni kulikwiza mu jimo liami.

Luka 1:67

Tato Zakaria wazalile tò ni Spiritu Musandu, yaprofeteza ngwenyi,

Luka 4:1

Yesu wa tò ni Spiritu Musandu, yakatuka ku Yordau yahiluka, yamutwala muli Spiritu ku puya;

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 4:8

Hohene Petulu, kanazala tò ni Spiritu Musandu, wambile kuli ayo ngwenyi, Akwa kuyula ja atu, ni makulwana ja Izalele,

Yilinga 6:3

Kashika mandumbu, fupenu hakachi kenu malunga shimbiali, akwa Shindakenyo, a tò ni Spiritu Musandu ni mana, aze mutwasela ku milimo yino.

Yilinga 7:55

Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi.

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

Usolwelo 1:10

Napwile mu Spiritu ha tangwa lia Mwene, nevwile kunyima yami liji linene, ngwe lia chitavwi,