Luka 1:35 - MUKANDA USANDU WA ZAMBI 1975

³⁵ Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Mukanda Wa Zambi 1970

³⁵ Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Luka 1:35 Iomraidhean Croise

Jobe 14:4

Iya mahasa kuchiza chuma chipema muchima lia chuma chipi? Niumwe.

Jobe 15:16

mba umwe mukwa kufutama, wakukokela lwaji! Umwe wakunwa uhenge ngwe meya!

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 51:5

Pundu angusemene mu uhenge. Mama wangusesekele mu shili.

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 14:33

Ni waze apwile mu ulungu amuwayilile ngwo, Chamwenemwene yena uli mwe Mwana Zambi.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Marku 1:1

Uputukilo wa sango lipema lia Yesu Kristu, mwe Mwana Zambi.

Marku 1:24

Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Luka 1:27

Kuli umwe *virgem hanamulakenya kuli lunga, jina lienyi José, mukwa zuwo lia David; ni jina lia mwe virgem Maria.

Luka 1:34

Maria wambile kuli mungelo ngwenyi, Ngwe kuchi chino muchikapwa se kanda nguchilimona ni lunga?

Luka 1:36

Mba musonye Izabele, iye nawa hanaseseka mwana-lunga ha ushinakaji wenyi; ni yono mwe kakweji wamuchisambano kuli yoze amuvulukile ngwo, Mumba.

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.