Luka 1:32 - MUKANDA USANDU WA ZAMBI 1975

³² Iye kumakapwa munene, makamuvuluka ngwo, Mwe Mwana wa Chitunda; Mwene Zambi kumakamwaha ngunja ya tato David;

Mukanda Wa Zambi 1970

³² Makabwa mwanangana munene, atu maakamuvuluka ngwo: ‘Mwana wa Mukwa Mwilu Mwahiana.’ Mwene Zambi makamwaha chitwamo cha kashakulu kenyi David.

Luka 1:32 Iomraidhean Croise

2 Samuel 7:16

Zuwo lie ni wanangana we muyikakola kumeso je ku miaka yeswe. Ngunja ye kumuyikakola ya mutolo.

Miaso (Masamu) 132:11

Chamwenemwene Yehova hanalishingi kuli David, kechi kutewulukako, ngwenyi, Wa kuli ana a kusema yena, mungusa ha ngunja ye.

Miaso (Masamu) 132:12

Nyi ana je mafunga usendo wami, ni Shindakenyo yami yize mungwalongesa, ana jo nawa kumakatwama ha ngunja ye ku miaka ya mutolo.

Izaya 16:5

mba makolesa ngunja ni utu wa zango, henaho matwama ni umwenemwene mu mbalaka ya David umwe mukwa kupatula ni kufupa ululi, umwe malipupwisa kulinga chize Chinalulama.

Jeremia 17:25

nyi chocho mba kumukunjilila ku yikolo ya chihunda chino, mianangana akwa kutwama ha ngunja ya David, nikwenda mu matemba ni ha tuvwalu, o ni alemu jo, malunga a Yunda, ni akwa Yerusaleme, mba chihunda chino kumuchikapwa ni atu ndo ku miaka.

Jeremia 22:2

Ena mwanangana wa Yunda, watwama ha ngunja ya David, ivwa liji lia Yehova, hamwe ni tuvumbi twe, ni atu je aze akunjila ku yikolo yino.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Mateu 1:1

Mukanda wa munyachi wa Yesu Kristu, Mwana David, mwana Apalahama.

Mateu 12:42

Ha upatwilo mwanangana wa pwo wa ku Sule kumakahinduka ni chisemuko chino, mba makachihisa: mumu iye wakatukile ku masongo a hashi mukwivwa mana ja Solomone; mba, umwe Wahiana Solomone kuno kwali.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Marku 14:61

Alioze wakolele kulungunga kwenyi, kakumbulwile nichimwe. Cheka nawa sasendote mukwa lutwe wamuhulile, ngwenyi, Mwe Kristu yena, mwe Mwana wa Mukwa kufumana nyi?

Marku 5:7

mba nikukololoka ni liji linene ngwenyi, Kuchi yami ni yena, Yesu mwe Mwana wa Zambi Chitunda? Lishinge mu jina lia Zambi kuli yami kuchi kungupinjisa.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 6:69

Hitunafuliela, kutunanyingika mwe Musandu wa Zambi yena.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

Yilinga 2:36

Kashika, akwa zuwo lieswe lia Izalele anyingike chamwenemwene ngwo, Yono Yesu, nwamuhachilile ha kulusu, Zambi hanamupwisa ni Mwene ni Kristu.

Yilinga 7:48

Hindu mwe Chitunda keshi kutwama mu matembele a kutunga ni moko; ngwe anambe profeta ngwenyi,

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi: