Luka 1:28 - MUKANDA USANDU WA ZAMBI 1975

²⁸ Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

Mukanda Wa Zambi 1970

²⁸ Kanganda ka mwilu yamuheta nikwamba ngwenyi: “Vulie! Mwene Zambi kali hamwe ni yena, hanakuwahisa!”

Luka 1:28 Iomraidhean Croise

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Mateu 12:48

Alioze iye wakumbulwile yoze wahanjikile nenyi ngwenyi, Mama iya? Ana-akwetu aya?

Luka 1:27

Kuli umwe *virgem hanamulakenya kuli lunga, jina lienyi José, mukwa zuwo lia David; ni jina lia mwe virgem Maria.

Luka 1:29

Alioze walipikalile chikolo ha liji lienyi, wanyongene chize kumeneka chino muchipwa.

Luka 1:30

Mungelo wambile kuli iye ngwenyi, Kanda wivwa woma, Maria, mumu hiunawane vumbi kumeso ja Zambi;

Luka 1:42

wakololokele ni liji linene ngwenyi, Kuwawaha mukachi ka mapwo, ni muhuko wa jimo lie kuwawaha.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Akwa Kuyula 5:24

Jaele pwo lia Hepere Ka-Kene akawahe helu lia mapwo eswe. Akawahe helu lia mapwo eswe a mu mbalaka.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.

Rute 2:4

Kumanyi Mboaze yakatuka ku Mbeteleme, yamba kuli akwa kucha mbuto ngwenyi, Yehova apwe hamwe nenu. O yakumbulula ngwo, Yehova anuwahise.