Luka 1:22 - MUKANDA USANDU WA ZAMBI 1975

²² Mba muze atuhukile, kahashile kuhanjika kuli ayo; o anyingikine ngwo, Hamona usolwelo mu tembele. Iye wanyongonwene nikulinga yilayi kuli ayo, alioze wasalile kamama.

Mukanda Wa Zambi 1970

²² Muze Zakaria hatuhuka kahashile ko kuhanjika no. Mba atu yaanyingika ngwo, Usolwelo amona mu zuwo lia Zambi. Zakaria yaalweza ni minwe, mumu te habwa kanaye.

Luka 1:22 Iomraidhean Croise

Ezekiel 3:26

mungukwachisa limi lie mu kanwa lie ukapwe kamama kuchi kuhasa kwakanjisa; mumu o kapwa munyachi wa yihulia.

Luka 1:21

Atu atwaminyinyine Zakaria, o akomokene mumu ha kushimbula chenyi mu tembele.

Luka 1:23

Muze matangwa a kulingila chenyi amanunukine, wahilukilile ku zuwo lienyi.

Luka 1:62

O alingile yilayi kuli tato, kuhula chize mazanga kumuluka.

Yoano 13:24

Semone Petulu kashika yalahula kuli iye, yamba kuli iye ngwenyi, Twambulwile yoze anambe.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 19:33

O asenyesene kulutwe Alezandre hakachi ka mbunga, A-Yunda nikumushinjika kulutwe. Alezandre walahwile ni kwoko lienyi, wafupile kulisambisa kuli atu.

Yilinga 21:40

Muze te hamutayiza, Paulu, nikumana ha ndondelo, walahwile ni kwoko lienyi kuli atu; o muze te hahola kulu, wahanjikile kuli ayo mu limi lia Hepreu, ngwenyi,