Luka 1:19 - MUKANDA USANDU WA ZAMBI 1975

¹⁹ Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Mukanda Wa Zambi 1970

¹⁹ Kanganda ngwenyi: “Yami nguli Gabriel. Nakumana ku meso ja Zambi ni kumuvumbika. Neye hangutuma kuhanjika ne ni kukwambulwila sango jino jibema.

Luka 1:19 Iomraidhean Croise

Daniel 8:16

Nevwile liji lia mutu hakachi ka mbumbulu ja Ulai, linatambika ngwo, Gabriele, lumbunwina yono lunga we usolwelo.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.

Luka 1:26

Achi, ha kakweji wamuchisambano, Zambi watumine mungelo Gabriele ku limbo lia mu Ngalileya, jina liacho Nazare.

Luka 2:10

Mungelo wambile kuli ayo ngwenyi, Kanda nwivwa woma; mumu ngunanwambulwila sango lipema lia uwahililo unene, lize kumulikapwa kuli atu eswe.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.