Luka 1:13 - MUKANDA USANDU WA ZAMBI 1975

¹³ Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Mukanda Wa Zambi 1970

¹³ Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:13 Iomraidhean Croise

Ubutukilo 17:10

Usendo wami mukaufunga hakachi ka yami ni yena ni munyachi we kulutwe lia yena uno, ngwami, Lunga mweswe akapwe ngalami.

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Ubutukilo 25:21

Izake walembelele mukwo-pwo kuli Yehova mumu iye mumba. Yehova wamuvwile, mba Rebeka yaka ufumba.

Miaso (Masamu) 113:9

Mumba kakumupwisa mukwa kufunga zuwo, akapwe semi ya ana nikuwahilila. Halisenu Yehova!

Miaso (Masamu) 118:21

Mungukusakwilila mumu wangukumbulwile. Hiunalumuka ulamwino wami.

Izaya 8:3

Yingunjila kuli mwe profeta wa pwo, aye yaka ufumba, yasema mwana wa lunga. Mba Yehova yamba kuli yami ngwenyi, Umuluke jina, Maha-shala-hasha-baze;

Daniel 10:12

Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Hosea 1:4

Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele.

Hosea 1:6

Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama, mumu chichi kuvwila nawa keke munyachi wa Izalele ngukaakonekene.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Luka 1:14

Kumukapwa ni uwahililo ni kulikwiza; anji kumakawahilila ha kusemuka chenyi.

Luka 1:30

Mungelo wambile kuli iye ngwenyi, Kanda wivwa woma, Maria, mumu hiunawane vumbi kumeso ja Zambi;

Luka 2:21

Ku songo lia matangwa muze hamupwisa ngalami, amulukile jina ngwo, Yesu, lienalio amulukilelio kuli mungelo, muze te jimo kanda lichiseseka.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Akwa Kuyula 6:23

Alioze Yehova yamwamba ngwenyi, Hwima, kanda wivwa woma. Kuchi kufwa.

1 Samuel 2:21

Yehova yanangisa Hana, iye yaka ufumba, yasema ana; a malunga atatu, a mapwo aali. Ni mwe mwana Samuel yatatuka kumeso ja Yehova.