Luka 1:11 - MUKANDA USANDU WA ZAMBI 1975

¹¹ Mungelo wa Mwene wasolokele kuli iye, kanamana ku sali lia chindume lia chilumbilo cha insensu.

Mukanda Wa Zambi 1970

¹¹ Kanganda ka mwilu yasolokela Zakaria, yamana ku chindume cha chilumbilo cha kwochela milambu ya vumba libema.

Luka 1:11 Iomraidhean Croise

Alevi 16:13

Akase insensu ha kahia kumeso ja Yehova hanga mwishi wa insensu Ukafuke chitwamo cha keke chize chili ha Shindakenyo, kuchina mafwa.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 1:28

Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

Luka 2:10

Mungelo wambile kuli ayo ngwenyi, Kanda nwivwa woma; mumu ngunanwambulwila sango lipema lia uwahililo unene, lize kumulikapwa kuli atu eswe.

Luka 2:9

Mba, mungelo wa Mwene wamanyine hehi no, ni uhenya wa Mwene watemukine ha kwajingilika; no evwile woma wunji.

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Usolwelo 9:13

Mungelo wamuchisambano wembile chitavwi chenyi, mba nevwile liji lia kukatuka ku mbinga ja chilumbilo cha oru, chize chili kumeso ja Zambi.

Akwa Kuyula 13:3

Mungelo wa Yehova yasoloka kuli mwe pwo, yamba kuli iye ngwenyi, Uli mumba; ana kushi no, alioze kumukapwa ni ufumba, kumukasema mwana wa lunga.

Akwa Kuyula 13:9

Zambi wapanjikile ku liji lia Manoa. Mungelo wa Zambi wejile cheka nawa kuli mwe pwo shimbu te kanatwama mu munda. Alioze mukwo-lunga Manoa keshiko.