Longeshi 9:9 - MUKANDA USANDU WA ZAMBI 1975

⁹ Wahilila ni mukwenu-pwo wa zango matangwa eswe a mwono we wamokomoko, hanakwehe kushi lia tangwa mumu chihanda che chenacho mu mwono, ni mu milimo ye yize unahondangana nayo kushi lia tangwa.

Mukanda Wa Zambi 1970

⁹ Wahilila hamwe ni pwo lie yoze wakuzanga, ha matangwa eswe a mwono uno wamokomoko, uze Zambi hanakwehe. Wahilila kuhiana ha matangwa jawo, mumu kuuchi kumona yiwape yikwo mu lamba lie lieswe.

Longeshi 9:9 Iomraidhean Croise

Ubutukilo 26:8

Kwapwile muze hatwamako shimbu linene Apimeleke mwanangana wa A-Filistea yatala haze ku kapenda kenyi yamona kumanyi Izake kanahehe ni mukwo-pwo Rebeka.

Miaso (Masamu) 144:4

Mutu wapwa ngwe mwiku. Matangwa jenyi kapwa ngwe Chizulie chize muchipalika.

Miaso (Masamu) 39:5

Kumanyi, hiwatenga mwono wami ngwe wakweseka ni kwoko. Miaka ya mwono wami yapwa nichimwe kumeso je. Chamwenemwene mutu mweswe chipwe wa ngú, kapwa wamokomoko.(Litulike.)

Yishima 18:22

Mweswe mawana pwo mawana chuma chipema, mazuka vumbi kuli Yehova.

Yishima 19:14

Mazuwo ni upite kakuyihinga kuli atato, alioze pwo wakanyama kuli Yehova akatuka.

Longeshi 2:10

Cheswacho meso jami azangile chahonene. Chaminyine mbunge yami chiseke nichimwe mumu mbunge yami yawahilila mumu ha yitanga yami yeswe. Acho chapwile fweto yami ya ku milimo yami yeswe.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 3:13

Chikwo nawa nyi mutu malia, manwa nikuyuka ni yipema ya kuhondangana chenyi cheswe, acho chawana cha kuli Zambi.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Longeshi 7:15

Chino cheswe hinamona mu matangwa jami amokomoko; kwali mukwa ululi yoze manonga mu ululi wenyi, ni kwali chingulungulu yoze masuhisa matangwa jenyi mu yilinga yenyi yipi.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.