Longeshi 9:7 - MUKANDA USANDU WA ZAMBI 1975

⁷ Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Mukanda Wa Zambi 1970

⁷ Likoleleze ulie yakulia ye, awahilile; nwako vinyu ye ni kuwahilila. Yino yeswe yinawaha ku meso ja Zambi.

Longeshi 9:7 Iomraidhean Croise

Ubutukilo 12:19

Kuchi te unakamba ngwe, Ndumbwami? Kashika ami namutambula akapwe pwo liami. Haliapwila kashika tala mukwenu-pwo; umutambule, yako kwe.

1 Yitanga Ya Mianangana 8:66

Ha tangwa liamuchinake yashika ni atu. O yawahisa mwanangana, yaya ku mazuwo jo nikuwahilila ni chiseke cha mbunge mumu ha utu weswe Yehova hasolola kuli David kavumbi kenyi ni kuli atu jenyi A-Izalele.

Longeshi 10:19

Mbolo kakuyitenga ha kuseha, ni vinyu kuyakuwahisa mwono, alioze mbongo kujakukumbulula yeswe.

Longeshi 11:8

Mumu nyi mutu matwama ni mwono miaka yinji awahilile mu yeswe; alioze ewuluke nawa, matangwa a milima anji. Yize yeswe yineza yamokomoko.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Kwalula 6:20

Sasendote akayihungise, mulambu wa kuhungisa kumeso ja Yehova. Kuyapwa yisandu ya sasendote, hamwe ni pambo lia kuhungisa, ni chilama cha kuzundula. Mba kulutwe mwe Kanazireu mahasa kunwa vinyu.

Marku 7:29

Wambile kuli iye ngwenyi, Mumu ha liji lino, yako kwe; ndemoniu hatuhuka muli mwané.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Yoano 4:50

Yesu yamba kuli iye ngwenyi, Yako kwe; mwané ni mwono ali. Yoze mutu wafulielele liji lize amwambile Yesu, iye wayile kwenyi.

Yilinga 10:35

alioze mu mavungu eswe yoze wakumuvwila woma, wakulinga ululi, kakupemena kuli iye.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Rute 3:7

Muze Mboaze halia, hanwa, yevwa kuwaha mu mbunge yenyi. Mba yaya yapomba ku songo lia mulumba wa mbuto. Mwe pwo yeza makoke, yafukula yiliato yenyi, yapomba.