Longeshi 9:11 - MUKANDA USANDU WA ZAMBI 1975

¹¹ Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Mukanda Wa Zambi 1970

¹¹ Yingumona nawa Chuma chikwo ngwami, hano hashi akwa kuzomboka fuji kuhiana keeshi kukumba matangwa eswe, ni akwa hamu kuhiana keeshi kukumba mu jita matangwa eswe, ni akwa mana keeshi kuyuka matangwa eswe, ni akwa malinjekela keeshi kubwa pichi matangwa eswe, ni akwa ulemu keeshi kutambula yihela yilemu matangwa eswe. Luyinda kakwiza kuli mutu mweswe susumuku.

Longeshi 9:11 Iomraidhean Croise

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

2 Samuel 17:23

Muze Ahitofele yamona ngwe kakawile mana jenyi, yalulika chimbulu chenyi, yakatuka, yaya kwenyi ku chihunda chenyi. Yalulika zuwo lienyi, yalisukika. Chocho yafwa, yamufunda mu chifuka cha tato.

2 Sango Ja Mianangana 20:15

Iye yamba ngwenyi, Panjikenu A-Yunda eswe, ni yenu A-Yerusaleme, ni yena mwanangana Yehosofate. Yehova kanambe kuli yenu ngwenyi, Kanda nwivwa woma, kanda nulishimwoka mumu ha chihuji chino chinene, mumu jita yino ya Zambi, hi ya yenu ko.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Miaso (Masamu) 76:5

Waze atakama mu mbunge hanaapupu; hanayi tulo two. Niumwe hakachi ka akwa ndundo kawanyine moko jo.

Yishima 1:5

Mukwa mana nawa kumevwa mba maweza ku yinyingi yenyi ni mukwa malinjekela maliwezela ulangaji,

Longeshi 2:12

Kashika nalumukine kutala mana, ni uzaluke ni uhepuke, mumu yoze makaula mwanangana chika malinga ndo kwimbulula chize hanalingi kulu?

Longeshi 3:14

Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Longeshi 3:17

Yingwamba mu mbunge yami ngwami, Zambi mapatwila akwa ululi ni yingulungulu, mumu kulili tangwa ha kupala cheswe ni ha milimo yeswe.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 7:13

Zewula kanawa yitanga ya Zambi. Iya mahasa kululamisa chuma nyi iye hanachihengesa?

Longeshi 9:2

se songo limuwika liakwawana eswe; mukwa ululi ni chingulungulu, ni mupema, ni mukwa kulinanga ni mukwa kulichisa, mukwa chitapo ni yoze keshi kushiha chitapo. Chize apwa mupema, ni chivulumunyi, neye chocho; ni mukwa kulishinga chimuwika apwa ni yoze machina mashingo.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Jeremia 46:6

Akwa tambu kahashile kuchina; tujita kahashile kwomboka. Ku Norte, kwe ku lwiji Ufrateze hatalinga, halimbuka.

Jeremia 48:14

Kuchi nwakwamba ngwenu, Tuli akwa kukumba tuli tujita a ndundo?

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

1 Samuel 17:50

Chocho David yakumba Ka-Filistea ni liwe lia kukonga ni chikapa. Yalamba Ka-Filistea, yamushiha, alioze David te keshi ni katana mu kwoko lienyi.

1 Samuel 6:9

Munutala nyi muukandukila ku jila ya njiza yawo ku Mbete-Shemeshe, iye mwene hanatulingi chuma chino chipi chikolo. Ahoze nyi ka, mba mutunyingika ngwetu hi kwoko henyi ko liatulambile; chapwile chuma cha kutuwana chiwanyina.