Longeshi 8:9 - MUKANDA USANDU WA ZAMBI 1975

⁹ Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

Mukanda Wa Zambi 1970

⁹ Yino yeswe nayimwene muze nanyongene yuma yize atu akulinga hano hashi, hashi haze hatwama atu amwe akwete chiyulo, ni akwo akumona lamba kuli ayo.

Longeshi 8:9 Iomraidhean Croise

1 MIANANGANA 25:7

Yashiha ana ja Zedekia a malunga kumeso jenyi, mba yamulokola meso jenyi. Yamukashila mu malenge; yamutwala ku Babilonia.

Kutuhuka 14:28

Meya ahilukile, yafuka e matemba ni e akwa tuvwalu, te chendo cheswe cha Falau waze aakawile mu kalunga-lwiji. Kukwasalile chipwe umuwika wa ayo, ka.

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Longeshi 3:10

Hinamona milimo yize Zambi hanayikunjika kuli ana ja atu akalindangane nayo.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Longeshi 5:13

Chuma chipi chikolo namona kushi lia tangwa ngwami, Umwe kupita upite wa kumulemeka.

Longeshi 5:7

Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Longeshi 7:25

Nalumukine ni kusela mbunge yami kunyingika ni kulungula ni kufupa mana ni ulumbunwiso wa yuma; ngukanyingike ngwami ungulungulu wapwa uhepuke ni uhepuke wapwa uzaluke;

Longeshi 7:7

Pundu kufwetesa naye chakwalumuna mukwa mana akapwe chihepuke, ni chindo kuyakulumbula yinyingi.

Shimbi 2:30

Alioze Sahone mwanangana wa Heshebone katutayijile kupalika kuli iye, mumu te Yehova Zambi yenu yakalisa manyonga jenyi, yamwaha pami mu mbunge yenyi, hanga amukunjike mu moko jenu, ngwe ha tangwa lino.