Longeshi 8:7 - MUKANDA USANDU WA ZAMBI 1975

⁷ mumu kanyingikine chize muchiza kupwa mba iya mahasa kumulweza ndako yacho?

Mukanda Wa Zambi 1970

⁷ Mutu niumwe wa kuli yetu Unanyingika yuma yize muyibwa, nyi kukushi niumwe yoze matulweza.

Longeshi 8:7 Iomraidhean Croise

Estere 5:12

Hamane yaweza nawa ngwenyi, Chipwe mwazovu Estere katayijile niumwe lunga shina yami wika kunjila hamwe ni mwanangana ku chiteleka chize alulikanga. Ni hamene nawa hangulakenya hamwe ni mwanangana.

Yishima 24:22

mumu lamba lio mulikasoloka susumuku. Iya mahasa kunyingika chize monwona eswe aali?

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Longeshi 10:14

Chihepuke kakwokesa maliji alioze niumwe kananyingika yize yineza. Mba iya manyingika yize muyimukaula?

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Longeshi 9:1

Yuma yino yeswe nayisele mu mbunge nikuyihengula yeswe, chize mukwa ululi, ni mukwa mana, ni yitanga yo, yili mu kwoko lia Zambi. Chipwe cha zango, chipwe cha kole, mutu keshi kuchinyingika. Yeswe kumeso jo yapwa yamokomoko,

Longeshi 9:12

Mutu keshi kunyingika mwaka wenyi. Ngwe yishi aze akufwila mu wanda upi; ngwe tujila aze makwachika mu kambwila, chocho ana ja atu kakukwachika ha mwaka upi muze muawana susumuku.

Mateu 24:44

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Mateu 24:50

Mwene wa ndungo yoze kumakeza ha tangwa lize keshi kunyonga, ni ha ola yize kanyingikineko.