Longeshi 8:4 - MUKANDA USANDU WA ZAMBI 1975

⁴ Mumu liji lia mwanangana tachi likwete. Iya mamuhula ngwo, Yika unalingi?

Mukanda Wa Zambi 1970

⁴ Mumu mwanangana kakulinga ni chiyulo, niumwe mahasa kumuhula: “Yika unalingi?”

Longeshi 8:4 Iomraidhean Croise

2 Samuel 24:4

Chipwe chocho, liji lia mwanangana liakumbile Joabe ni tupitau twa tujita. Kashika Joabe ni tupitau twa tujita akatukile kumeso ja mwanangana akalule e atu.

1 Yitanga Ya Mianangana 1:30

chamwenemwene, chocho nalishingile ni Yehova Zambi ya Izalele ngwami, Pundu, mwané Solomone kumakayula kulutwe lia yami, iye kumakangusalakana ha ngunja, chamwenemwene, chocho mungulinga musono.

1 Yitanga Ya Mianangana 2:25

Mwanangana Solomone yatuma Benaia mwana Jehoiada; yamulamba, yafwa.

1 Yitanga Ya Mianangana 2:46

Mba mwanangana yatuma Benaia mwana Jehoiada, iye yatuhuka, yamulamba; yafwa. Chocho wanangana wakolele ni kwoko lia Solomone.

Ezra 6:13

Kashika Tatenaia mukwa kuyula lize sali lia Lwiji, ni Shetare-bozena ni masepa jo, se mwanangana Dariu hatuma, yachilinga; kahonene nichimwe.

Jobe 9:12

Machangumuna, iya mamukwika? Iya manwamba ngwenyi, Yika unalingi?

Kutuhuka 1:18

Mwanangana wa Engitu watambikile yifunguji, yamba ngwenyi, Kuchi te nwalinga chino, nikufunga ni mwono ana a malunga?

Yishima 19:12

Ufwatulo wa mwanangana wapwa ngwe kuhiohia cha ndumba; alioze vumbi lienyi liapwa ngwe mume ha mwambu.

Yishima 20:2

Mwongo mavwila mwanangana unapu ngwe ha kuhiohia cha ndumba; mweswe mamwihia atenuke kanavulumuna mwono wenyi.

Yishima 30:31

Ni kavwalu; ni kuji ya pembe; ni mwanangana yoze keshi kuhasa kumukatukila.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

A-ROMA 9:20

Ka, alioze yena mutu, yena iya, wakukumbulula kulimika ni Zambi? Chuma cha kutengewa muchamba kuli yoze wachitengele ngwenyi, Kuchi te wangutangile chocho?