Longeshi 8:3 - MUKANDA USANDU WA ZAMBI 1975

³ Kanda utuhuka kumeso jenyi fuji fuji; kanda unyongonona mu chuma chipi mumu kakulinga cheswacho chamuwahila.

Mukanda Wa Zambi 1970

³ Mwanangana mahasa kulinga cheswacho anazange, kashika sosoloka ku meso jenyi; kanda utwama ko, hali homa ha utoji.

Longeshi 8:3 Iomraidhean Croise

Ubutukilo 47:9

Yakomba yamba ngwenyi, Matangwa a miaka ya unjize wami kulakaji lia miaka ni makumi atatu a miaka. Miaka ya mwono wami yapwa yikepe, yipi tuhu. Kuyahetele ku miaka ya mwono wa atata mu matangwa a unjize wo.

Yishima 14:29

Yoze keshi kutenuka kawashi malinjekela anji akwete; alioze mukwa kulipupula kakulemesa uhepuke.

Yishima 24:21

Mwanami, vwila woma Yehova ni mwe mwanangana; kanda uliendela ni waze akuzanga kwalumiona yuma,

Yishima 30:31

Ni kavwalu; ni kuji ya pembe; ni mwanangana yoze keshi kuhasa kumukatukila.

Longeshi 10:4

Chipwe utenu wa mukwa kuyula muukukasumukina, kanda ukatuka ha chitwamo che; mumu ulemeso kuwakukukila milonga yinene.

Izaya 48:4

Se ngunanyingika nuli akwa pami, kota jenu japwa ngwe mujipwa wa utale, ni mahuma jenu ngwe unengu,

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.