Longeshi 8:16 - MUKANDA USANDU WA ZAMBI 1975

¹⁶ Muze nasele mbunge yami kunyingika mana, ni kumona yitanga yize analingi hashi (chize atu keshi kumona tulo chipwe ha mwalwa chipwe ha ufuku;)

Mukanda Wa Zambi 1970

¹⁶ Muze nesekele kubwa ni mana ni kulilongesa yize yakubwa hano hashi, yingumona ngwami, muuhasa kunongama ufuku ni mwalwa,

Longeshi 8:16 Iomraidhean Croise

Ubutukilo 31:40

Chocho napwile. Ha mwalwa changa changutwile. Ha ufuku chishika. Chipwe tulo achinyine ku meso jami.

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Longeshi 1:17

Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Longeshi 2:23

Matangwa jenyi eswe kapwa chinyengo wika; ni kuhondangana chenyi chapwa kulifwita. Chipwe ha ufuku mbunge yenyi kuyahwimine. Chino nawa chapwa chamokomoko.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 5:12

Tulo twa mukwa kuhondangana kuwaho chipwe malia yikepe hanji yinji, alioze pichi kahashile kuya tulo mumu ha kukuta.

Longeshi 7:25

Nalumukine ni kusela mbunge yami kunyingika ni kulungula ni kufupa mana ni ulumbunwiso wa yuma; ngukanyingike ngwami ungulungulu wapwa uhepuke ni uhepuke wapwa uzaluke;

Longeshi 8:7

mumu kanyingikine chize muchiza kupwa mba iya mahasa kumulweza ndako yacho?

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.