Longeshi 8:14 - MUKANDA USANDU WA ZAMBI 1975

¹⁴ Chimwe chuma chamokomoko chakulingiwa hano hashi; kwali akwa ululi amwe mba yize yatamba kachi kuwana yingulungulu muyiawana ayo; ni kwali amwe yingulungulu mba yize yatamba kachi kuwana akwa ululi muyiawana ayo. Yingwamba ngwami chino nawa chapwa chamokomoko.

Mukanda Wa Zambi 1970

¹⁴ Alioze hi chocho ko. Hengula kanawa, utale yuma ya hano hashi: yisuho yikwo akwa ululi kaakumona lamba lia yingulungulu, ni e yingulungulu kaakutambula kukundulula cha akwa ululi. Yingumona ngwami, chili chamokomoko.

Longeshi 8:14 Iomraidhean Croise

Jobe 1:22

Mu yuma yino yeswe Jo kavulumwine, chipwe kusuma Zambi chize kuchalitele.

Jobe 21:7

Kuchi te yingulungulu kakutwama ni mwono? Kuchi te kakuheta ku ushinakaji nikwokesa tachi?

Jobe 27:12

Eswe hinwachimona yenwene. Alioze kuchi te hinwalumuka eswe hamuwika amokomoko?

Miaso (Masamu) 73:3

Mumu nevwilile ukwa akwa kulizelula, ha kumona kuwaha cha yingulungulu.

Longeshi 10:5

Kuchili chuma chipi hinamona kushi lia tangwa. Chapwa ngwe chinakatuka kuli mukwa kuyula:

Longeshi 2:14

Mukwa mana kali ni meso mu mutwe wenyi, alioze chihepuke kakwenda mu milima. Hindu namwene ngwe chuma chimuwika chakwawana eswe.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 7:15

Chino cheswe hinamona mu matangwa jami amokomoko; kwali mukwa ululi yoze manonga mu ululi wenyi, ni kwali chingulungulu yoze masuhisa matangwa jenyi mu yilinga yenyi yipi.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.