Longeshi 8:1 - MUKANDA USANDU WA ZAMBI 1975

¹ Iya malifwa ngwe mutu mukwa mana? Iyamanyingika ulumbunwiso wa chikuma? Mana ja mutu kakutemwisa meso jenyi, ni kukala cha meso jenyi kuchakwalu muka.

Mukanda Wa Zambi 1970

¹ Shina mukwa mana mwe Unanyingika ulumbunwiso wa yuma yeswe. Mana kaakumupwisa mukwa sehelo hi kuchiza kunyakana ku meso.

Longeshi 8:1 Iomraidhean Croise

Ubutukilo 40:8

O yamba kuli iye ngwo, Mumu twalotanga chilota mba niumwe kahashile kutulumbunwinacho. José yamba kuli ayo ngwenyi, Ulumbunwiso kuwapwile wa mbala wa Zambi, nyi? Ngulwezecho kama.

Jobe 33:23

Nyi kachi mukupwa hali iye umwe mukeji; hako umwe hakachi ka kanunu, yoze malweza mutu chize chalulama hali iye;

Kutuhuka 34:35

A-Izalele amwene meso ja Mose ngwo, Chikowa cha ku meso ja Mose chinatemuka, mba Mose yalifuka ni wanda nawa ndo anjilile mukuhanjika nenyi.

Yishima 1:6

ha kunyingika chishima ni ulumbunwiso wacho, maliji a akwa mana ni yijimbikilo yo.

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Yishima 17:24

Mana kapwa kumeso ja mukwa malinjekela; alioze meso ja chihepuke kakuya ndo ku masongo a hashi.

Yishima 21:29

Chingulungulu kakukalisa meso jenyi; alioze mukwa ululi kakululikisa ndako jenyi jeswe.

Yishima 24:5

Mukwa mana katakama; mukwa yinyingi kakuliwezela ndundo.

Daniel 2:22

Kakufukula yuma yikalu ni yijimbikilo; kananyingika chize chili mu milima, pangu liatwama kuli iye.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Mateu 17:2

Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

Yilinga 6:15

Ni waze eswe atwamine mukuyula, ha kumuhulikila meso amwene meso jenyi ngwe ku meso ja mungelo.

A-ROMA 13:5

Kashika Chanutamba kuzeya, hi mumu ha utenu wika ko, alioze nawa ha shimbi ya mbunge.

Efesu 6:19

Ni hali yami, hanga akangwehe kuhanjika, ha kupakula kanwa liami ni hamu, mukusolola yinyingi ya chijimbiko cha sango lipema,

Shimbi 28:50

vungu lia meso akalu, kulichi kalemesa makulwana, chipwe kulweza vumbi kuli twanuke,

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

2 Petulu 1:20

Nyingikenu chino hatangu, ngwe uprofeto wa chisoneko hi wa ku ulumbunwiso wawo wene ko.