Longeshi 7:9 - MUKANDA USANDU WA ZAMBI 1975

⁹ Kanda ulipupula mu mbunge kutenuka; mumu utenu kuwatwama mu mbunge ja yihepuke.

Mukanda Wa Zambi 1970

⁹ Kanda utenuka nikawashi, yihepuke kaakufunga kole.

Longeshi 7:9 Iomraidhean Croise

Ubutukilo 4:8

Kene yahanjika ni mwanakwo Abele. Mba muze apwile mu munda Kene yakatukila mwanakwo Abele, yamushiha.

2 Samuel 13:22

Absalome aye kahanjikile kuli Amnone chipwe chipema chipwe chipi. Mumu Absalome wavwilile kole Amnone mumu havulumuna ndumbwenyi Tama ni tachi.

2 Samuel 13:28

Absalome yatuma ngamba jenyi ngwenyi, Talenu kanawa, muze mbunge ya Amnone muyiwaha kanawa ni vinyu, ni yami mungunwamba ngwami, Lambenu Amnone, himushihenu, kanda nwivwa woma. Ngwami, hinanwaha shimbi. Hamukenu; takamenu.

2 Samuel 13:32

Alioze Jonadabe, mwana Shimea yayo ya David, yakumbulula ngwenyi, Mwene wami kanda nunyonga ngwe hashiha akweze ana a malunga eswe a mwanangana. Amnone wika hafwa. Mumu ku shimbi ya Absalome hahala chuma chino chize ku tangwa avulumwine ni tachi ndumbwenyi Tama.

2 Samuel 19:43

Malunga a Izalele yakumbulula kuli malunga a Yunda ngwo, Etu tuli ni kumi lia yihanda muli mwanangana kashika tuli ni chihinga chinene muli David kuhiana yenu. Kashika kuchi te nwatulelesele kunwatuhulile chiyulo ha kuhilwisa mwanangana wetu? Alioze maliji a malunga a Yunda ahianyine ni tachi maliji a malunga a Izalele.

Yishima 14:17

Mukwa kutenuka washi malinga ya uhepuke; mukwa kutaka yipi keshi kumuzanga.

Yishima 14:29

Yoze keshi kutenuka kawashi malinjekela anji akwete; alioze mukwa kulipupula kakulemesa uhepuke.

Yishima 16:32

Yoze keshi kutenuka kawashi wahiana akwa ndundo; yoze mayula Spiritu yenyi Wahiana yoze mapupa limbo.

Yishima 25:8

Kanda ulipupula kutuhuka kulitachika kuchina hanji ku songo liacho kuchi kunyingika chize mulinga muze mukwenu hakukolesa sonyi.

Longeshi 7:10

Kanda wamba ngwe, Kuchi te matangwa a kunyima apemene kuhiana matangwa ano? Kwahulile ni mana ha kutwala ku chuma chino.

Yona 4:3

Kashika Yehova, ngunalembe, ungushihe, mumu kufwa Shinaho kuli yami hi mwono ko.

Yona 4:8

Mba muze tangwa hiliavumbuka, Zambi yalulika fuji ya chivukuminya ya ku Chivumbuko, ni mwalwa yiutwa ha mutwe wa Yona. Yalezumuka, yeta kuli Zambi akafwe mumu yamba ngwenyi, Kuli yami Shinaho kutwa hi mwono ko.

Yona 4:9

Zambi yamba kuli Yona ngwenyi, Kutenuka Chichize mumu ha lwitwi, chipema nyi? Iye ngwenyi, Chipema ngunalingi nikutenuka, chipwe ndo ku kufwa.

Marku 6:19

Ni Herondeya wamuhalililecho, wazangile kumushiha; alioze kahashile.

Marku 6:24

Iye watuhukile akahule kuli naye ngwenyi, Kuchi mungwita? Iye wambile ngwenyi, Eta mutwe wa Yoano Chipapachisa.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;