Longeshi 7:8 - MUKANDA USANDU WA ZAMBI 1975

⁸ Songo lia chuma chapema kuhiana uputukilo wacho, ni mukwa kulihumikiza mu mbunge kapema kuhiana mukwa kulengumuka mu mbunge.

Mukanda Wa Zambi 1970

⁸ Songo lia Chuma lili libema liahiana Ubutukilo wacho. Kulihumikiza chili chibema, alioze kulengumuka chili chibi.

Longeshi 7:8 Iomraidhean Croise

Yishima 13:10

Ku kulengumuka wika kuneza kulitachika; alioze mana kwali kuli mukwa kulongoloka.

Yishima 14:29

Yoze keshi kutenuka kawashi malinjekela anji akwete; alioze mukwa kulipupula kakulemesa uhepuke.

Yishima 15:18

Chifwatulo kakusangumuna kuhamika, alioze yoze keshi kutenuka fuji kakuholesa vunda.

Yishima 16:32

Yoze keshi kutenuka kawashi wahiana akwa ndundo; yoze mayula Spiritu yenyi Wahiana yoze mapupa limbo.

Yishima 28:25

Mukwa chipululu kakuvundula kulitachika; alioze mukwa kufuliela Yehova matoha.

Longeshi 7:1

Jina lipema Unapeme kuhiana yitumbo ya maji ya ndando yilemu. Tangwa lia kufwa liahiana tangwa lia kusemuka.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 21:19

Mu uhumikizo wenu nukazuke mwono wenu.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Efesu 4:2

ni mbunge yeswe ya kulikehesa, ni umbovu, hamwe ni uhomboloji, nikulihumikiza umwe kuli mukwo mu zango,

Hebreu 10:36

Mumu Chanutamba kunyongonona, nulinge upale wa Zambi, nukatambule che chilakenyo.

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

Tiangu (Jake) 5:8

Ni yenu nawa, lihumikizenu; takamisenu mbunge jenu: mumu kuheta cha Mwene hichakundama.

1 Petulu 1:13

Kashika, jichikenu miya mu zalilo ja kunyonga chenu, keyelenu, nukataletale ndo ku songo ha vumbi lize makalineha kuli yenu ha usolwelo wa Yesu Kristu.