Longeshi 7:5 - MUKANDA USANDU WA ZAMBI 1975

⁵ Kwivwa kufumba cha akwa mana chapema kuhiana kwivwa miaso ya yihepuke.

Mukanda Wa Zambi 1970

⁵ Kubanjika ku kufumba cha akwa mana chinabeme kuhiana kubanjika miaso ya yihepuke ya kukuchichimieka.

Longeshi 7:5 Iomraidhean Croise

Miaso (Masamu) 141:5

Akwa ululi akangulambe; muchipwa ngwe utu wa zango. Akangwambe; muchipwa ngwe maji ha mutwe wami. Kanda utayiza mutwe wami kulitunacho, alioze kulemba chami muchinyongonoka ndusu mu kupinjisa cha waze.

Miaso (Masamu) 69:12

Waze atwama mu chikolo cha limbo kakunguhanjikila. Hinapwa mwaso wa akwa kuzengewa.

Yishima 13:13

Mukwa kulelesa lie liji kumakalionwona; alioze makalambula kwononona yoze wakwivwa woma wa shimbi.

Yishima 13:18

Yoze katayile amufumbe makamona uswale ni sonyi; alioze kumakalemesa yoze matá muze mamukanjisa.

Yishima 17:10

Liji limuwika lia kukanjisa kuli mukwa malinjekela kuliakutwa kuhiana kulakaji lia mijiji muli chihepuke.

Yishima 25:12

Mukwa mana yoze mahana liji lia kukanjisa mu twitwi lia kwononoka kapwa ngwe kazeya ka oru, hanji chuma cha uhenya cha oru yipema.

Yishima 27:6

Mbandu ja kasendo kujapwa ja kukwasa, alioze mbeju ja mukwa kole kujapwa ja kwonga.

Yishima 6:23

Mumu shimbi yapwa ndeya. Longeso liapwa pangu. Kukanjisa cha kufumba chapwa jila ya mwono,

Yishima 9:8

Kanda ukanjisa mukwa kulenya, mokomoko makuvwila kole; kanjisa mukwa mana mba makuzanga.

Longeshi 12:11

Yambo ya akwa mana kuyapwa ngwe misongolwela mba yishima ya kukungulula yapwa ngwe mbambo ja kukolesa. Yeswe yinakatuka kuli Kafunga umuwika.

Longeshi 7:4

Mbunge ja mana jili mu zuwo lia masoji, alioze mbunge ja uhepuke jili mu zuwo lia kuheha.

Longeshi 9:17

Maliji ja mukwa mana, nyi maapanjika ni kuhola, mahiana kukalumioka cha mukwa kuyula hakachi ka yihepuke.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.