Longeshi 7:3 - MUKANDA USANDU WA ZAMBI 1975

³ Chinyengo chapema kuhiana kuseha, mumu chinyengo cha meso kuchakuwahisa mbunge.

Mukanda Wa Zambi 1970

³ Kuseha chinabeme, alioze kwivwa chinyengo chinabeme kuhiana, mumu chinyengo chakunyakanyisa ku meso, alioze chakukolesa manyonga je.

Longeshi 7:3 Iomraidhean Croise

Miaso (Masamu) 119:67

Shimbu te kanda ungulamba napiasukile, alioze haliapwila nakufunga liji lie.

Miaso (Masamu) 119:71

Chinapeme kuli yami chize wanguyindamishine, hanga ngukalilongese yiyulo ye.

Longeshi 2:2

Ha kutwala ku kuseha nambile ngwami, Chinazaluka. Ha kutwala ku chiseke ngwami, Chaka?

Longeshi 7:4

Mbunge ja mana jili mu zuwo lia masoji, alioze mbunge ja uhepuke jili mu zuwo lia kuheha.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Luka 6:21

Kunwawaha, yenu nwakwivwa zala haliapwila, mumu kumunukakuta. Kunwawaha, yenu nwakulilalila haliapwila, mumu kumunukaseha.

Luka 6:25

Lamba lienu, yenu nwakukuta haliapwila, mumu kumunukevwa zala! Lamba lienu, yenu nwakuseha haliapwila! mumu kumunukanenganyana nikulila!

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;