Longeshi 7:26 - MUKANDA USANDU WA ZAMBI 1975

²⁶ kumanyi hinawana chuma chasasa kuhiana ufwe. Ngwami, pwo yoze mbunge yenyi yapwa miheto ni manda, moko jenyi apwa ngwe kúli. Mutu yoze Zambi kanamumono kuwaha matusuka kuli iye alioze chivulumunyi makwachika.

Mukanda Wa Zambi 1970

²⁶ Yingumona chimwe Chuma chibi chahiana kufwa, kuma pwo. Mumu zango lize anakulweze mulikukwata ngwe muheto hanji ngwe Wanda; moko jenyi maakujingilika ngwe lwoji wa utale. Mutu, nyi Zambi kakuwahilila nenyi, mahasa kuhwima, alioze mutu, nyi Zambi keshi kuwahilila nenyi, mwe pwo mamukwata.

Longeshi 7:26 Iomraidhean Croise

Ubutukilo 19:35

Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka.

Ubutukilo 39:9

Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

Kutuhuka 10:7

Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

Yishima 2:16

Chocho nawa mukalilamwina kuli pwo weka te kuli chilambala yoze kakupepieka ni maliji jenyi,

Yishima 22:14

Kanwa lia pwo weka yinapu ngwe wina usuku; malimbukilamo yoze Yehova kamuzangile.

Yishima 6:23

Mumu shimbi yapwa ndeya. Longeso liapwa pangu. Kukanjisa cha kufumba chapwa jila ya mwono,

Yishima 6:24

cha kukufunga kuli pwo mupi, ni ku kupepieka cha limi lia pwo weka.

Yishima 9:18

Alioze kanyingikine ngwenyi, Afu aliko, ni ngeji jenyi mwe mu Shiole ali.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 7:27

Chuma chino nawanyine, kanambe mwe Chilumbununyi, ha kweseka chuma ni chikwo hanga chingulumbunuke,