Longeshi 7:24 - MUKANDA USANDU WA ZAMBI 1975

²⁴ Chize chapwa kusuku ni chinajotoka chikolo kuhiana, iya mahasa kuchinyingika?

Mukanda Wa Zambi 1970

²⁴ Iya mahasa kunyingika kama ulumbunwiso wa mwono wenyi? Chili kusuku ni yetu, chili chikalu ha kuchinyingika.

Longeshi 7:24 Iomraidhean Croise

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Jobe 37:23

Mukwa-Ndundo-Jeswe kutwahashile kumuwana kapwa munene mu tachi ni ululi; ululi wenyi walumbama, kechi kuuhengesa.

Miaso (Masamu) 139:6

Mana apwa haha angukomwesa naye. Asuha, Chahashile kuhetako.

Miaso (Masamu) 36:6

Ululi we wapwa ngwe milundu yisuku. Upatwilo we wapwa ngwe yimwe jondo yinene. Yena Yehova wakulamwina ni atu ni tushitu.

Longeshi 8:17

henaho namwene kulinga cheswe cha Zambi chize mutu kechi kuhasa kusa chinyingi milimo yize akulinga kushi lia tangwa. Chipwe mutu mahondangana nikufupa, hindu kechi kuchisa chinyingi. Chipwe mukwa mana mamba ngwenyi, Ami ngunanyingika, hindu kechi kuchisa chinyingi.

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.