Longeshi 7:2 - MUKANDA USANDU WA ZAMBI 1975

² Hapwa kuya ku zuwo lia masoji, hi zuwo lia muzumbu ko. Mumu kufwa, songo lia atu eswe, ni akwa mwono machisa ku mbunge.

Mukanda Wa Zambi 1970

² Chinabeme kuya ku chiteleka, alioze chinabeme kuhiana kuya kuze analili, mumu atu chaatamba kuliwulula ngwo, kufwa chili ku mahietu.

Longeshi 7:2 Iomraidhean Croise

Miaso (Masamu) 90:12

Chocho Utulongese kwalula matangwa jetu, hanga tukasele mbunge jetu ku mana.

Longeshi 2:14

Mukwa mana kali ni meso mu mutwe wenyi, alioze chihepuke kakwenda mu milima. Hindu namwene ngwe chuma chimuwika chakwawana eswe.

Longeshi 2:16

Mumu mavulama mukwa mana chizechene ngwe kakuvulama chihepuke ndo ku miaka, se ku miaka ya kulutwe yuma yeswe makayivulama. Kuma, mukwa mana kakufwa chizechene ngwe chihepuke kakufwa.

Longeshi 3:19

Mumu chize chakuwana ana ja atu chakuwana tushitu nawa; chuma chimuwika chakwawana. Chize umwe kakufwa ni mukwo chocho kakufwa. Eswe kali ni mwiku umuwika ni mutu kakumbile kashitu se yeswe yapwa yamokomoko.

Longeshi 3:20

Eswe kakuya kuma kumuwika. Eswe ku fufuta akatukile ni eswe mahilukila ku fufuta cheka nawa.

Longeshi 6:6

chipwe matwama ndo tununu aali a miaka, nyi kayukile ni chuma chipema. Te kayile eswe kuma kumuwika?

Longeshi 9:2

se songo limuwika liakwawana eswe; mukwa ululi ni chingulungulu, ni mupema, ni mukwa kulinanga ni mukwa kulichisa, mukwa chitapo ni yoze keshi kushiha chitapo. Chize apwa mupema, ni chivulumunyi, neye chocho; ni mukwa kulishinga chimuwika apwa ni yoze machina mashingo.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Longeshi 9:5

Mumu amwono kananyingika ngwo, Mutukafwa, alioze afu kanyingikine nichimwe. Keshi nawa ni kwononona; keshi kwewuluka.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Jeremia 16:8

Kuchi kuya mu zuwo lia chiteleka kutwama no, hanji kulia ni kunwa.

Hagai 1:5

Kashika Yehova-wa-Tujita kanambe ngwenyi, Nyongenu ha majila jenu!

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Kwalula 23:10

Iya mahasa kwalula fufuta ya Yakomba? Hanji iya mahasa kuvuluka mutu ni mutu wa ku chihanda chimuwika cha ku yihanda yiwana ya kuli A-Izalele? Ngufwe ngwe mafwa mukwa ululi. Kusula-songo liami likapwe ngwe lia iye!

Mateu 5:4

Kawaha waze akulinyenga, mumu kumakaalembejeka.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Shimbi 32:46

yamba kuli ayo ngwenyi, Selenu mbunge jenu ku maliji eswe ngunanushindakenyo musono. Munukaamba ana jenu, mukukanyama kulinga maliji eswe a shimbi yino.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,