Longeshi 7:13 - MUKANDA USANDU WA ZAMBI 1975

¹³ Zewula kanawa yitanga ya Zambi. Iya mahasa kululamisa chuma nyi iye hanachihengesa?

Mukanda Wa Zambi 1970

¹³ Nyonga hakutwala ku yitanga ya Zambi. Iya mahasa kwolola Chuma chize Zambi ahengesele?

Longeshi 7:13 Iomraidhean Croise

Jobe 11:10

Nyi mapalika nikukasa, nikuzanga kusopa, iya mamukwika?

Jobe 12:14

Nyi iye mapuzula niumwe mahasa kutungulula; nyi mayikila mutu muma mumwe niumwe mamwazulwila.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Jobe 37:14

Mwata Jo, panjika ku chuma chino mana uzewule yitanga ya Zambi ya kukomwesa.

Jobe 9:12

Machangumuna, iya mamukwika? Iya manwamba ngwenyi, Yika unalingi?

Miaso (Masamu) 107:43

Mweswe kali ni mana manyonga yuma yino, makazewula utu wa zango lia Yehova.

Miaso (Masamu) 8:3

Shimbu mungutala malilu, che chitanga cha minwe ye; kakweji ni matongonoshi aze walulikile;

Longeshi 1:15

Chize chahenga kechi kuhasa kuchilulamisa; chize chahona kechi kuhasa kuchalula.

Longeshi 3:11

Aye hanalingi chuma cheswe chipema ha tangwa liacho; chikwo nawa hanase ye miaka yeswe mu mbunge jo chocho mutu kahashile kusa chinyingi milimo yize Zambi hanalingi chize ku uputukilo ndo ku songo.

Longeshi 8:17

henaho namwene kulinga cheswe cha Zambi chize mutu kechi kuhasa kusa chinyingi milimo yize akulinga kushi lia tangwa. Chipwe mutu mahondangana nikufupa, hindu kechi kuchisa chinyingi. Chipwe mukwa mana mamba ngwenyi, Ami ngunanyingika, hindu kechi kuchisa chinyingi.

Izaya 14:27

Mumu Yehova-wa-Tujita hapala, mba iya machilelesa? Hazoza kwoko lienyi, mba iya malihilwisa?

Izaya 43:13

Yami Zambi, ni ndo ku songo Yami Nguli. Niumwe mahasa kupulula ku kwoko liami. Nakulinga, mba niumwe mangukwika.

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Luka 12:26

Kachi kashika kunwahashile kulinga chize chikepe, kuchi te nwakulipikala ha yize yikwo.

A-ROMA 9:15

Mumu kanambe kuli Mose ngwenyi, Mungumuvwila keke yoze mungumuvwila keke; mungumuvwila vumbi yoze mungumuvwila vumbi.

A-ROMA 9:19

Muwamba kuli yami ngwe, Nyi chocho kuchi te achili nikutwaha mulonga? Mumu iya malimika ni upale wenyi?

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;