Longeshi 6:2 - MUKANDA USANDU WA ZAMBI 1975

² umwe mutu Zambi hamwaha upite, ni yikumba, ni ulemu. Kahonene nichimwe cha yize yeswe mbunge yenyi yinazange. Hindu Zambi kamuhele chiyulo cha kuhako. Alioze umwe weka mayilia. Chino chapwa nawa chamokomoko—te musongo upi.

Mukanda Wa Zambi 1970

² Zambi kakuhana kuli mutu yuma yeswe yize akuzanga, ubite, ni ulemu, ni yikumba, hindu kechi kumutayiza kuwahilila nayo, alioze umwe chilambala mawahilila nayo. Yili yamokomoko, yili yibi.

Longeshi 6:2 Iomraidhean Croise

1 Yitanga Ya Mianangana 3:13

Hinaweza nawa chize kwechile; ni upite ni ulemu, chocho chipwe hakachi ka mianangana, niumwe malita ni yena, matangwa je eswe.

1 Sango Ja Mianangana 29:25

Yehova walemesene chikolo Solomone kumeso ja A-Izalele eswe. Wamuhele ulamba umwe wa wanangana kuhiana mianangana eswe te hapwa kushi mu Izalele.

1 Sango Ja Mianangana 29:28

Yafwa ni ukulwana upema, wayukile ni matangwa, ni upite, ni ulemu, mba mwanenyi Solomone yamuswana mu wanangana.

2 Sango Ja Mianangana 1:11

Zambi yamba kuli Solomone ngwenyi, Ha mukunda wa chuma chino mu mbunge ye; kwechile upite, hanji yikumba, hanji ulemu, hanji akashihe akwa kole je, kwechile kusuha cha miaka ye, alioze hiweta mana ni chinyingi hali yena mwene hanga ukayule atu jami nakupwishile mwanangana wo;

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 73:7

Meso jo kakututumioka ni maji. Yuma ali nayo kuhiana mbunge ya mutu muyihasa kunyonga.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 5:13

Chuma chipi chikolo namona kushi lia tangwa ngwami, Umwe kupita upite wa kumulemeka.

Longeshi 5:16

Chino nawa chipi chikolo; mu yuma yeswe maya chizechene ngwe wejile mba kufumbuka chika ali nacho ha kuhondanganyina ye fuji yamokomoko?

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 5:19

Mutu mweswe yoze Zambi hamwaha upite ni yikumba, nyi hamwaha chiyulo cha kuhako, ni kutambula chihanda chenyi, ni kuwaha mu kuhondangana chenyi, acho chapwa chawana cha kuli Zambi.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Lungungu 5:2

Chihinga chetu hachihana kuli yilambala; mazuwo jetu haahana kuli tundaka.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Hosea 7:9

Yilambala kanali tachi jenyi; kachinyingikine. Kambu jitoma haputuka kupwa najo; kachinyingikine.

Shimbi 28:33

Mbuto ya ha mavu jenu ni kuhondangana chenu cheswe kumakayilia kuli akwa vungu enu kunwaanyingikine, makanumwesa lamba wika, nikunushata chipi matangwa eswe.

Shimbi 28:43

Njize uli mukachi kenu makayaya nikunangama helu lienu, yenu munukayaya ni kukehuluka mushi.

Akwa Kuyula 18:10

Muze munuyako munuwana atu kanyongene nichimwe. Chifuchi chatoha, mba Zambi hachikunjika mu moko jenu. Chifuchi chize kuchahonene chuma nichimwe cha hano hashi.