Longeshi 6:12 - MUKANDA USANDU WA ZAMBI 1975

¹² Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Mukanda Wa Zambi 1970

¹² Iya manyingika chize chinabeme hali mutu ha matangwa jenyi akepe ni amokomoko hano hashi? Mwono uze wakubalika ngwe chizulie? Iya mahasa kunyingika yize muyikabwa hano hashi muze mafwa?

Longeshi 6:12 Iomraidhean Croise

1 Sango Ja Mianangana 29:15

Mumu yetu tuli ngeji kumeso je ni yilambala ngwe tulamba twetu apwile. Matangwa jetu muno-muze kapwa ngwe Chizulie chize muchisuha, kutwalindulukile.

Jobe 14:2

Kakutemuka ngwe chitemo, hikuma nawa, kakuchina ngwe chizulie; kalindulukile.

Jobe 14:21

Ana jenyi malema alioze aye kachinyingikine; hanji malela, aye kachimwene.

Jobe 8:9

Etu tuli a zau, kutwanyingikine nichimwe. Matangwa jetu muno-muze kapwa ngwe Chizulie.

Miaso (Masamu) 102:11

Matangwa jami hapwa ngwe Chizulie chize hichasuha. Ngunomu ngwe mwambu.

Miaso (Masamu) 109:23

Hinaya ngwe Chizulie chize muchisuha. Hanangukapula ngwe kumbi.

Miaso (Masamu) 144:4

Mutu wapwa ngwe mwiku. Matangwa jenyi kapwa ngwe Chizulie chize muchipalika.

Miaso (Masamu) 16:5

Yehova iye chihanda chami cha chihinga ni cha musenge wami. Yena kuwakufunga chihanda chami.

Miaso (Masamu) 17:15

Alioze ha kutwala kuli yami, mungumona meso je ni ululi. Kumungukayuka muze mungulaula mu kulifwa cha yena. Kuli Njimba mukwa lutwe. Samu lia David kavumbi ka Yehova. Iye wahanjikile kuli Yehova maliji a mwaso uno ha tangwa lize Yehova wamupulwile ku moko ja akwa kole jenyi eswe ni ku kwoko lia Saulu: ngwenyi,

Miaso (Masamu) 4:6

Anji kakwamba ngwo, Iya matulweza chuma chipema? Yehova, hetula pangu lia meso je hali yetu.

Miaso (Masamu) 47:4

Hanatutongwela chihinga chetu, we uhenya wa Yakomba yoze wazangile.(Litulike.)

Miaso (Masamu) 89:47

Iwuluka kama kuhiha cha mwono wami. Watangile ana eswe a atu amokomoko chize!

Longeshi 10:14

Chihepuke kakwokesa maliji alioze niumwe kananyingika yize yineza. Mba iya manyingika yize muyimukaula?

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 2:3

Nafupile mu mbunge yami chize munguhasa kuliwahisa ku musunya ni vinyu; mbunge yami te yinangusongwela ni mana, chize mungukwata ku uhepuke, ndo mungusa chinyingi chize chinapemena ana ja atu, hanga akachilinge kushi lia malilu matangwa eswe a mwono wo.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 6:11

Se yuma yinji yiliko ya kufujisa wika, mutu kuchi mafumbuka nayo?

Longeshi 7:15

Chino cheswe hinamona mu matangwa jami amokomoko; kwali mukwa ululi yoze manonga mu ululi wenyi, ni kwali chingulungulu yoze masuhisa matangwa jenyi mu yilinga yenyi yipi.

Longeshi 8:13

Alioze yingulungulu kechi kawaha; aye kechi kasuhisa matangwa jenyi; kumapwa ngwe Chizulie mumu kevwile woma kumeso ja Zambi.

Longeshi 8:7

mumu kanyingikine chize muchiza kupwa mba iya mahasa kumulweza ndako yacho?

Longeshi 9:6

Ni zango lio, ni kole yo, ni chipululu cho, yeswe hiyajimuka, mba ndo ku miaka ya mutolo o keshi ni chihanda nichimwe cha yuma yize akulingalinga kushi lia tangwa.

Longeshi 9:9

Wahilila ni mukwenu-pwo wa zango matangwa eswe a mwono we wamokomoko, hanakwehe kushi lia tangwa mumu chihanda che chenacho mu mwono, ni mu milimo ye yize unahondangana nayo kushi lia tangwa.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Tiangu (Jake) 4:14

Alioze kunwanyingikine chize muchipwa ha tangwa lia hamene. Mwono wenu kuchi upwa? Unapu chishichishi, chize muchisoloka ha shimbu likepe ni kulutwe muchanduluka.