Longeshi 5:8 - MUKANDA USANDU WA ZAMBI 1975

⁸ Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Mukanda Wa Zambi 1970

⁸ Kanda ukomoka nyi muumwona akwa kuyula kaanabinjisa yiswale ni keeshi kwabatwila ni ululi. Mukwa lutwe mweswe kali ni yoze mamutala, neye kali ni mukwo yoze mamutala.

Longeshi 5:8 Iomraidhean Croise

2 Sango Ja Mianangana 26:10

Yatunga tuposhi mu puya nawa, ni kufula tuyitende tunji twa meya mumu wapwile ni yimuna anji, mu yana ni mu yikulo. Wapwile nawa ni njimi ni akwa kululika miuva mu milundu ni mu minda ya mbuto, mumu wazangile chikolo kulima.

Jobe 24:23

Iye kakwakolesa, kakwajikijisa; meso jenyi hwali ha majila jo.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 55:9

Mwene, wonwone kama. Pula limi lio, mumu hinamona upupilo ni kulitachika mu limbo.

Miaso (Masamu) 82:1

Zambi kanamana mu chikungulwila cha Zambi. Kanapatula hakachi ka mazambi.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Miaso (Masamu) 95:3

Mumu Yehova iye Zambi munene; iye mwanangana munene helu lia mazambi eswe.

Yishima 22:16

Yoze mapinjisa yiswale akaweze ku upite wenyi ni yoze kakuhana kuli pichi meza kuhona.

Yishima 24:12

Chipwe muamba ngwe, Kutwachinyingikine, te mwe mukwa kupezalisa mbunge kachimwene? Mukwa kufunga mwono we kachinyingikine nyi? Te kechi kwononona mutu mweswe nikulita ni milimo yenyi?

Yishima 8:17

Waze akunguzanga ni yami nakwazanga; ni waze akulianga kungufupa manguwana.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Longeshi 5:9

Chikwo nawa kufumbuka cha mavu cha mbala cha eswe; chipwe mwanangana kakufuliela minda.

Longeshi 7:7

Pundu kufwetesa naye chakwalumuna mukwa mana akapwe chihepuke, ni chindo kuyakulumbula yinyingi.

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

Izaya 10:12

Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.

Izaya 3:15

Kuchi chinalumbunuka chize nunafwenye atu jami, ni kucheka meso ja yiswale? Chocho kanambe Mwene Yehova-wa-Tujita.

Izaya 37:36

Mba mungelo wa Yehova yatuhuka, yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Ezekiel 18:18

Alioze ha kutwala kuli tato, se iye halia kuzo, heya kuli mukwo, halinga chize kuchapemene hakachi ka atu jenyi, aye kumakafwila uhenge wenyi.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Mika 2:9

Mapwo ja atu jami nwakwahuma ku mazuwo jo apema. Nwakuchiza uhenya wami kuli ana jo akepe ndo ku miaka yeswe.

Zakaria 8:6

Yehova-wa-Tujita kanambe ngwenyi, Nyi muchipwa chikomokeso kumeso ja masalila ja atu ano ha matangwa ano, muchipwa nawa chikomokeso kumeso jami? Chocho kanambe Yehova-wa-Tujita.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Luka 1:32

Iye kumakapwa munene, makamuvuluka ngwo, Mwe Mwana wa Chitunda; Mwene Zambi kumakamwaha ngunja ya tato David;

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.

1 Petulu 4:12

Akwetu a zango, kanda nukomoka ha kutwala ku cheseko cha kahia hakachi kenu, chize chineza hali yenu mukunweseka, ngwe chuma chimwe cha kukomwesa chinanuwane.

1 Yoano 3:13

Kanda nukomoka, mandumbu, kachi akwa hashi manuvwila kole.