Longeshi 5:7 - MUKANDA USANDU WA ZAMBI 1975

⁷ Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Mukanda Wa Zambi 1970

⁷ Chibwe muulota yilota yinji, chibwe muulinga milimo yinji yamokomoko, chibwe muuhanjika maliji anji, hindu Chakutamba kuvwila Zambi woma.

Longeshi 5:7 Iomraidhean Croise

Yishima 23:17

Mu mbunge ye kanda uvwila ukwa akwa shili, alioze pwako yena ni woma wa Yehova tangwa lieswe nganganga.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Longeshi 3:14

Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Longeshi 5:3

Mumu chilota chakwiza ni kukilikita chinji, ni chikuma cha chihepuke chakwiza ni maliji anji.

Longeshi 7:18

Chipema ukwate chino, alioze kanda wecha chize, mumu mukwa kuvwila woma Zambi matusuka ku yuma yino yeswe.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Longeshi 8:13

Alioze yingulungulu kechi kawaha; aye kechi kasuhisa matangwa jenyi; kumapwa ngwe Chizulie mumu kevwile woma kumeso ja Zambi.

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.