Longeshi 5:6 - MUKANDA USANDU WA ZAMBI 1975

⁶ Kanda utayiza kanwa lie kuvulumwisa mujimba we. Kanda wamba kumeso ja mungelo ngwe, Napiasukile. Ha chikuma chika Zambi matenuka ni maliji je nikwonwona milimo ya moko je.

Mukanda Wa Zambi 1970

⁶ Kanda utayiza maliji je kukuvulumwisa. Nyi ka, Chakutamba kulweza hako ya Zambi ngwe, te chachizangile. Mumu yika muulifupila utenu wa Zambi? Mumu yika unazange Zambi onone yeswe yize wahondanganyine?

Longeshi 5:6 Iomraidhean Croise

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Yishima 23:17

Mu mbunge ye kanda uvwila ukwa akwa shili, alioze pwako yena ni woma wa Yehova tangwa lieswe nganganga.

Longeshi 10:12

Maliji a mu kanwa lia mukwa mana kakumukokela vumbi, alioze mivumbo va chihepuke kuyakumwonwona.

Longeshi 3:14

Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Alevi 4:2

Amba kuli A-Izalele ngwe, Nyi umwe makavulumuna mutonga wa susumuku mu yuma yeswayo yize Yehova hanayikanjisa mba iye hayilinga;

Alevi 4:22

Muze mukwa kuyula makavulumuna mutonga wa susumuku ha chuma cheswacho cha yuma yize Yehova Zambi yenyi hanayikanjisa, mba hahia,

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

1 Korintu 11:10

Ha chikuma chino chatamba pwo kupwa ni chinyingi cha kuzeyela ha mutwe wenyi, mumu hali angelo.

1 Timoteu 5:21

Shimbi ngunakwehe kumeso ja Zambi ni Kristu Yesu ni angelo a kutongola, ufunge yino yuma, kanda upatula Shimbu-kanda, kanda ulinga nichimwe ni katonde.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Tiangu (Jake) 1:26

Kachi umwe malishinginyeka kupwa mukwa kuwayila, shimbu keshi kuhombola limi lienyi, aiioze kakwonga mbunge yenyi mwene, uwayilo wa yono wamokomoko.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

2 Yoano 1:8

Litatenu kuli yenwene, hanga kutuchi katokesa yuma yize hitunalingi, aiioze hanga tukatambule kwononona cheswe.