Longeshi 5:2 - MUKANDA USANDU WA ZAMBI 1975

² Kanda ulipupula ni kanwa. Mbunge ye kanda yilipupula kwamba nichimwe kumeso ja Zambi. Mumu Zambi aye mwilu ali, ni yena uli hashi, kashika maliji je kanda apwa anji.

Mukanda Wa Zambi 1970

² Nyonga kanawa shimbu kanda uchihanjika, kanda Ulakenya Zambi nikawashi. Iye katwama mwilu, yena watwama hano hashi, kashika kanda uhanjika maliji anji.

Longeshi 5:2 Iomraidhean Croise

Ubutukilo 18:27

Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika.

Ubutukilo 18:30

Iye yamba nawa ngwenyi, Mala! Mwene kanda utenuka ni yami, mba munguhanjika. Hanji mawanamo makumi atatu. Ngwenyi, Nyi munguwana makumi atatu, chichi kuchilinga.

Ubutukilo 18:32

Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga.

Ubutukilo 28:20

Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala,

Ubutukilo 28:22

Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Yishima 10:19

Nyi maliji hoka, Utanguko kuuchi kuhona; alioze mukwa kusúla ku kanwa lienyi kanalingi ni mana.

Yishima 20:25

Nyi mutu malipupula kwamba ngwenyi, Chapwa chuma chisandu, mba muze halakenya mahula chinyingi, muchipwa kambwila kuli iye.

Longeshi 10:12

Maliji a mu kanwa lia mukwa mana kakumukokela vumbi, alioze mivumbo va chihepuke kuyakumwonwona.

Longeshi 10:13

Uputukilo wa maliji a mu kanwa lienyi uhepuke; songo lia pande jenyi uzaluke wa ungulungulu.

Longeshi 5:3

Mumu chilota chakwiza ni kukilikita chinji, ni chikuma cha chihepuke chakwiza ni maliji anji.

Longeshi 5:7

Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Izaya 55:9

Mumu chizechene ngwe malilu kanasuha helu lia hashi, chocho ndako jami jakusuha helu lia ndako jenu, ni manyonga jami kakusuha helu lia manyonga jenu.

Alevi 5:4

Chipwe umwe halipupula kulishinga ni kanwa lienyi kulinga chipi hanji chipema, cheswacho mutu malipupula kwamba ni shingo, hanji kachinyingikine, muze machinyingika hahila chimwe hakachi ka yuma yino.

Mateu 6:7

Ha kulemba kanda nukakokojola chamokomoko ngwe akwa mavungu akulinga: mumu o kakushinginyeka ngwo, Makatupanjika ha kuhanjika chetu chinji.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Marku 6:23

Walishingile kuli iye ngwenyi, Cheswacho mungwita, mungukwahacho ndo ku chihanda cha hakachi cha wanangana wami.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

Akwa Kuyula 11:30

Jefeta yalishinga kuli Yehova ngwenyi, Nyi mukunjika A-Amone mu kwoko liami,