Longeshi 5:16 - MUKANDA USANDU WA ZAMBI 1975

¹⁶ Chino nawa chipi chikolo; mu yuma yeswe maya chizechene ngwe wejile mba kufumbuka chika ali nacho ha kuhondanganyina ye fuji yamokomoko?

Mukanda Wa Zambi 1970

¹⁶ Hi chibema ko! Twakuya ngwe chize twejile. Twakuhondangana, alioze chika kevwe mutuyuka ha kuhanga fuji?

Longeshi 5:16 Iomraidhean Croise

Yishima 11:29

Mweswe mapinjisa zuwo lienyi mahinga fuji; ni chihepuke mapwa ngamba ya mukwa mbunge ya mana.

Longeshi 1:3

Mutu yika akufumbula ku milimo yeswe yize akuhondangana nayo mushi lia tangwa?

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 3:9

Mukwa kuhondangana kufumbuka chika ali nacho ku kuhondangana chenyi?

Longeshi 5:13

Chuma chipi chikolo namona kushi lia tangwa ngwami, Umwe kupita upite wa kumulemeka.

Izaya 26:18

Twapwile ni ufumba, twapinjile, alioze chapwa ngwe twasema fuji wika. Kutwalingile upulwilo hano hashi, niamwe akwa muno-muze kanungukine.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Hosea 8:7

Kakukuwa fuji, mba kumakacha chijimbi. Tiliku mu minda kuyishi mitwe, kuyichi kuhana wunga. Chipwe kachi muyikahana, hindu yilambala makayilia.

Marku 8:36

Mumu kuchi mutu mafumbuka, kachi malipichisa hashi heswe, alioze matokesa mwono wenyi?

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

1 Korintu 16:16

hanga yenu nawa nukazeyele kuli atu ngwe wano, ni kuli eswe akukwasa mu milimo, akukilikita.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.