Longeshi 5:10 - MUKANDA USANDU WA ZAMBI 1975

¹⁰ Yoze unase mbunge ku prata kechi kuyuka ni prata; yoze unase mbunge yenyi ku kwoka cha upite kechi kuyuka ni kulumbama. Chino nawa chapwa chamokomoko.

Mukanda Wa Zambi 1970

¹⁰ Nyi wakuzanga ubite, kuuchi kuyuka nawo nichimwe; nyi wakuzanga kubwa pichi, hindu kuuchi kuyuka nawo. Yili yamokomoko.

Longeshi 5:10 Iomraidhean Croise

Miaso (Masamu) 52:1

Kuchi te wakulisamba ni yipi, ena mukwa ndundo? Utu wa zango lia Zambi kuwalinduluka matangwa eswe.

Miaso (Masamu) 52:7

talenu au mutu kapwishile Zambi chiswamo chenyi, alioze wafulielele kulumbama cha upite wenyi, walitakamishine mu kuzo yenyi.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Longeshi 1:17

Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Longeshi 1:8

Yuma yeswe yazala tò ni yikatalo; mutu kechi kuhasa kuchilumbununa. Liso kulichi kuyuka ha kutala; twitwi kulichi kukuta ha kwivwa.

Longeshi 2:10

Cheswacho meso jami azangile chahonene. Chaminyine mbunge yami chiseke nichimwe mumu mbunge yami yawahilila mumu ha yitanga yami yeswe. Acho chapwile fweto yami ya ku milimo yami yeswe.

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 3:19

Mumu chize chakuwana ana ja atu chakuwana tushitu nawa; chuma chimuwika chakwawana. Chize umwe kakufwa ni mukwo chocho kakufwa. Eswe kali ni mwiku umuwika ni mutu kakumbile kashitu se yeswe yapwa yamokomoko.

Longeshi 4:16

Atu aze maayula anji, kechi kahwa ha kwaalula; hindu waze mamukaula kechi kuwahilila muli iye. Achi cheswe chamokomoko wate, ngwe kuhanga ye fuji.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 5:9

Chikwo nawa kufumbuka cha mavu cha mbala cha eswe; chipwe mwanangana kakufuliela minda.

Longeshi 6:7

Milimo yeswe ya mutu kuyapwa ya kusa mu kanwa lienyi; hindu kakuchile.

Mateu 6:19

Kanda nutulika upite hano hashi, haze ndulu ni ngengeya kuyakuvungula; haze eji kakulokola mazuwo nikwiya.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.