Longeshi 5:1 - MUKANDA USANDU WA ZAMBI 1975

¹ Funga kulu lie muze muoya ku zuwo lia Zambi; mumu kukundama ukevwe acho Shinaho; kuhana yitapo ya yihepuke achi kunyima, mumu o kanyingikine chipi chize analingi.

Mukanda Wa Zambi 1970

¹ Muze unayi ku zuwo lia Zambi kanyama. Chili chibema kulambula mulambu ku zuwo lia Zambi, alioze chibema kuhiana kwivwa maliji a Zambi. Yihepuke waze kaanyingikine yibi ni yibema, kaakulambula milambu wika.

Longeshi 5:1 Iomraidhean Croise

2 Sango Ja Mianangana 26:16

Alioze muze hatakama, mbunge yenyi yiyilifuza alinge uhenge, mba yavulumuna Yehova Zambi yenyi. Yanjila mu tembele ya Yehova akoche insensu ha chilumbilo cha insensu.

Jobe 11:2

Maliji nyi halumbama kumanyi kechi kwakumbulula? Mutu mamusambisa ha kwoka cha yihanjika yenyi?

Jobe 22:12

Zambi katwamine kuze ku malilu? Kwamwene matongonoshi aze asuku chikolo? Anazunduka Chichize!

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Kutuhuka 3:5

Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Kutuhuka 30:18

Ukalinge nawa lumbasia lwa unengu lwa kusanyina, ni nganda yalwo ya unengu. Ukalutumbike hakachi ka mbalaka ya chikungulwila ni chilumbilo. Ukasemo meya.

Yishima 10:19

Nyi maliji hoka, Utanguko kuuchi kuhona; alioze mukwa kusúla ku kanwa lienyi kanalingi ni mana.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Yilinga 10:33

Haze hene kashika ngunakatuma kuli yena; ni wakalakala hiweza. Haliapwila kashika, yetu eswe kuno kutuli kumeso ja Zambi, mukwivwa yuma yize yeswe hanakwambe kuli Mwene.

Yilinga 17:11

Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.

1 Korintu 11:22

Kuma, kunushi mazuwo a kulitamo, a kunwinamo, nyi? Shina nunalelesa chikungulwila cha Zambi, nikukolesa sonyi waze keshi nacho? Kuchi mungwamba kuli yenu? Mungunuhalisa, nyi? Ka, ha chino chanuhalishile.

Hebreu 10:26

Mumu kachi mutuvulumuna ni mbunge yeswe muze te hitunatambula yinyingi ya umwenemwene, chitapo ha milonga kuchishiko nawa;

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;

Yoshua 5:15

Kapitau ka tujita twa Yehova yamba kuli Yoshua ngwenyi, Chiza haku je ku molu je mumu homaho unamana hasandu. Chocho Yoshua yalinga.