Longeshi 4:8 - MUKANDA USANDU WA ZAMBI 1975

⁸ Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Mukanda Wa Zambi 1970

⁸ Kuli umwe mutu yoze watwama ukawenyi. Keshi mwana, keshi mwanakwo, alioze kakuhondangana, hindu keshi kuwahilila ni ubite uze ali nawo. Mba iya akuhondanganyina chichize ni kulituna kuwahilila chenyi mwene? Chili nawa chamokomoko, uli kwawo mwono wa lamba.

Longeshi 4:8 Iomraidhean Croise

Ubutukilo 2:18

Mba Yehova Zambi yamba ngwenyi, Kuchapemene mutu akatwame ukawenyi, mungumulingila chikwashi yoze malita nenyi.

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 39:7

Mba haliapwila Mwene, yika ngunashimbwila? Kutalatala chami chili muli yena.

Yishima 27:20

Shiole ni ye Apandone kuyishi kuzala; chocho meso ja mutu kechi kayuka.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:8

Yuma yeswe yazala tò ni yikatalo; mutu kechi kuhasa kuchilumbununa. Liso kulichi kuyuka ha kutala; twitwi kulichi kukuta ha kwivwa.

Longeshi 2:21

Mumu kwali umwe mahondangana ni mana, ni yinyingi, ni utotombo hindu mahichika yuma yenyi yikapwe chihinga cha umwe yoze kahondanganyineko. Chino nawa chamokomoko ni chipi chikolo.

Longeshi 2:23

Matangwa jenyi eswe kapwa chinyengo wika; ni kuhondangana chenyi chapwa kulifwita. Chipwe ha ufuku mbunge yenyi kuyahwimine. Chino nawa chapwa chamokomoko.

Longeshi 4:7

Henaho yinguhiluka yingumona mushi lia tangwa yeswe yamokomoko.

Longeshi 5:10

Yoze unase mbunge ku prata kechi kuyuka ni prata; yoze unase mbunge yenyi ku kwoka cha upite kechi kuyuka ni kulumbama. Chino nawa chapwa chamokomoko.

Longeshi 5:9

Chikwo nawa kufumbuka cha mavu cha mbala cha eswe; chipwe mwanangana kakufuliela minda.

Izaya 5:8

Lamba kuli waze akuwezela zuwo ku zuwo, akuwezela munda ku munda ndo chihela nawa chakuhi, mba makutwamisa ukawe hakachi ka chifuchi.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Mateu 11:28

Tweyenu kuli yami, yenu eswe nwakukilikita nikulemewa, ni yami kumungunuhwimisa.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.