Longeshi 4:13 - MUKANDA USANDU WA ZAMBI 1975

¹³ Mukweze chiswale ni mana Shinaho, mwanangana mukulwana kunyima nyi kapwa chihepuke keshi kutá kumulongesa nawa.

Mukanda Wa Zambi 1970

^13-14 Chiswale mahasa kubwa mwanangana mu chifuchi chenyi, hanji kutuhuka mu zuwo lia lamba ni kutwama ha chitwamo cha wanangana. Alioze nyi mu ushinakaji wenyi keshi kutayiza kumukanyamisa, kanamuhiana kuli mukweze chiswale alioze mukwa mana.

Longeshi 4:13 Iomraidhean Croise

Ubutukilo 37:2

Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Yishima 19:1

Chiswale yoze wakwenda ni kutuwika cha mbunge Wapema kuhiana chihepuke yoze wapiya ku mivumbo yenyi.

Yishima 28:6

Shinaho chiswale yoze akwenda nikutuwika cha mbunge; hi pichi ko yoze wapiya mu ndako jenyi.

Longeshi 4:12

Nyi mutu makumba yoze uli ukawenyi, hindu aali mahasa kulimika nenyi. Muhipu wa mbanda mutatu kuuchi kupatuka nikawashi.

Longeshi 7:19

Mana kapwa tachi kuli mukwa mana kuhiana kumi lia akwa kuyula waze mapwa mu chihunda.