Longeshi 4:1 - MUKANDA USANDU WA ZAMBI 1975

¹ Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Mukanda Wa Zambi 1970

¹ Mba yingutala nawa uhenge weswe wa hano hashi. Akwa lamba te kaakulila, wakuhi yoze wakwalembejeka. Niumwe kechi kwakwasa, mumu waze akwamwesa lamba kaahiana tachi.

Longeshi 4:1 Iomraidhean Croise

Jobe 16:4

Nyi yami napwa ngwe yenu, munguhasa kuhanjika chocho nawa. Yami nawa munguhasa kununganunga maliji a kulimika ni yenu, nikunyikwona mutwe wami hali yenu nawa.

Jobe 35:9

Atu kakulitetwola mumu ha kwoka yihungumiona; kakusanyika chikwashi mumu ha kwoko lia mukwa tachi.

Jobe 6:29

Litwaminenu kupatula ni uhenge. Litwaminenu, ululi wami nunasopesa.

Jobe 9:24

Hakunjika hashi mu chiyulo cha yingulungulu. Kakufuka meso ja yipatula-milonga. Nyi hi iye ko, mba iya?

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 142:4

Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

Miaso (Masamu) 142:5

Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

Miaso (Masamu) 42:3

Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

Miaso (Masamu) 42:9

Mungwamba kuli Zambi liwe liami ngwami, Kuchi te wanguvulama? Kuchi te nakulishimwoka mumu ha kupinjisa cha akwa kole?

Miaso (Masamu) 69:20

Luchoko hanamakuna mbunge yami; ngunazala tò ni kulemewa. Nafupile amwe anguvwile kama keke, alioze akuhi. Nafupile amwe akwa kungulembejeka alioze chawanyine niumwe.

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Miaso (Masamu) 80:5

Hiunaalisa kulia cha masoji. Hiunaanwisa masoji a kulumbama.

Kutuhuka 1:16

ngwenyi, Muze munufungula mwana kuli mapwo A-Hepreu, ha kwamona maya ku punga ya kusemena, nyi mwana wa lunga, numushihe lume, alioze nyi wa pwo, atwame ni mwono.

Kutuhuka 1:22

Falau yahana shimbi kuli atu jenyi eswe, ngwenyi, Ana a malunga eswe masemuka nwambile mu lwiji, ana a mapwo eswe atwame ni mwono.

Yishima 19:7

Akwo eswe a chiswale keshi kumuzanga; mba masepa jenyi, cho kuchina! Kakwakaula ni maliji alioze haya lume!

Yishima 28:3

Chiswale yoze mapinjisa yiswale kapwa ngwe vula ya kuhungumuna, yize kuyahichikile kulia nichimwe.

Yishima 29:2

Muze akwa ululi moka atu mawahilila, alioze muze chingulungulu mayula, atu matwa mikuma.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Longeshi 7:7

Pundu kufwetesa naye chakwalumuna mukwa mana akapwe chihepuke, ni chindo kuyakulumbula yinyingi.

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Izaya 51:23

Alioze mungukausa mu kwoko lia akwa kukupinjisa, waze ambile kuli yena ngwo, Hetama tukapalike, mba hiwatenga nyima ye ngwe hashi, ngwe tapalo kuli ayo hanga akapalikeho.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Jeremia 16:7

Niumwe mapalula mbolo ni yoze wafwisa, akamulembejeke mumu hali mufu. Niumwe mamwaha musenge wa kulembejeka akanwe mumu hali tato hanji naye.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:17

Zaione kanazozo moko jenyi, alioze mukwa kumuwumbijeka wakuhi. Yehova hachitumina cha kulimika ni Yakomba hanga enyembo jenyi akanwe akwa kole jenyi. Yerusaleme hanalumuka chuma cha luchisa hakachi ko.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Shimbi 28:33

Mbuto ya ha mavu jenu ni kuhondangana chenu cheswe kumakayilia kuli akwa vungu enu kunwaanyingikine, makanumwesa lamba wika, nikunushata chipi matangwa eswe.

Shimbi 28:48

Kashika munukavumbika akwa kole jenu Yehova makaatuma alimike ni yenu, ni zala, ni pwila, ni uvu, ni kuhona cha yuma yeswe. Makasa kanga ya utale ku kota jenu, ndo makanwonwona.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Akwa Kuyula 4:3

Mba A-Izalele atetele kuli Yehova aakwase, mumu Sisera wapwile ni kulakaji livwa a matemba-a-jita a utale; yapinjisa A-Izalele ni uswi makumi aali a miaka.