Longeshi 3:6 - MUKANDA USANDU WA ZAMBI 1975

⁶ tangwa lia kufupa, ni tangwa lia kutokesa; tangwa lia kufunga chuma, ni tangwa lia kuchimbila;

Mukanda Wa Zambi 1970

⁶ Kakutongola tangwa lia kuyuka ni tangwa lia kufulwana, tangwa lia kufunga Chuma ni tangwa lia kuchimbila,

Longeshi 3:6 Iomraidhean Croise

Ubutukilo 31:18

yambata yimuna jenyi eswe, ni yikumba yenyi yeswe yize apita, ni ngombe eswe haazuka aze hapita mu Panda-narame, akaye kuli tato Izake mu chifuchi cha Kanana.

1 MIANANGANA 5:26

Aye yamba kuli iye ngwenyi, Te mbunge yami kuyayile hamwe ni yena muze lunga akatukanga mu temba lienyi kukupatwiza? Te lino liapwa tangwa lipema kuzuka mbongo, nikuzuka uzalo, ni minda ya olevwe, ni minda ya uva, ni mapanga, ni ngombe, ni ndungo ja malunga ni ja mapwo nyi?

1 MIANANGANA 7:15

Yaakaula ndo ku Yordau, yawana jila yeswe ya tò ni mazalo ni yikwachilo yize A-Seria hambila ha kulipupwisa. Mikeji yahiluka, yambulwila mwanangana.

1 MIANANGANA 8:9

Chocho Hazaele yaya kumupatwiza, yambata mulambu wa ku yuma yeswe yipema mu Ndamaseku, te yiteli ya makumi awana a tumelu. Yeza, yamana kumeso jenyi ngwenyi, Mwanenu Mbene-Hadade mwanangana wa Seria, hangutuma kuli yenu ngwenyi, Munguhinduka ku kuyiza chino nyi?

Miaso (Masamu) 112:9

Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

Longeshi 11:1

Mbila mbolo ye ha meya, mumu muyiwana nawa kulutwe lia matangwa anji.

Longeshi 3:5

tangwa lia kumbila mawe, ni tangwa lia kukungulula mawe; tangwa lia kulikangayika, ni tangwa lia kulitwamina;

Longeshi 3:7

tangwa lia kutanuna, ni tangwa lia kutonga; tangwa lia kuhola, ni tangwa lia kuhanjika;

Izaya 2:20

Ha tangwa lize atu kumakambila ku kolo ni yinguzu mahamba jo a prata ni mahamba jo a oru, aze alingile hanga akaakombelele,

Yona 1:5

Mba akwa kwendesa wato evwile woma. Yateta mutu mweswe kuli zambi yenyi. Yambila mu kalunga-lwiji yiteli ya mu wato aulelwise. Alioze Yona hapalumuka mwe muchima lia wato, hapomba haya tulo.

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Yilinga 27:19

Ha tangwa liamuchitatu ni moko jo ene ambilile yuma ya kwendesa ulungu.

Yilinga 27:38

Muze te hakuta, alelumwine ulungu, nikumbila tiliku mu meya.