Longeshi 3:3 - MUKANDA USANDU WA ZAMBI 1975

³ tangwa lia kushiha, ni tangwa lia kuwuka; tangwa lia kupuzula, ni tangwa lia kutunga;

Mukanda Wa Zambi 1970

³ tangwa lia kushiha ni tangwa lia kuwuka, tangwa lia kubuzula ni tangwa lia kutunga.

Longeshi 3:3 Iomraidhean Croise

Ubutukilo 9:6

Mweswe mamwanga manyinga ja mutu neye mamumwanga manyinga jenyi kuli mutu. Mumu Zambi walingile mutu mu kulifwa chenyi.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Jeremia 1:10

Tangwa lino hinakusa helu lia mavungu ni mawanangana, ukatukule, ukapuzule, ukonwone, ukanungune, ukatunge, ukatumbe.

Jeremia 31:28

Mba chizechene ngwe hinaatala kutukula, ni kupuzula, ni kununguna, ni kwonwona, ni kukoka yuma yikalu, chocho mungwatala kutunga ni kutumba. Chocho kanambe Yehova.

Jeremia 33:6

Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Jeremia 45:4

Amba kuli iye ngwe, Yehova kanambe ngwenyi, Ngunapuzula chize natungile; ngunatukula chize natumbile—ngwami, Chifuchi cheswe.

Ezekiel 13:14

Mungukapuzula chipanga-cha-mawe chize hinwatomesa ni pemba nikuchinungwina hashi, ndo fundamentu yacho muyikasoloka. Muze muchikapuzuka, ni yenu mununonga hakachi kacho, chocho munukanyingika yami nguli Yehova.

Hagai 1:2

Yehova-wa-Tujita kanambe ngwenyi, Wano atu kanambe ngwo, Matangwa a kutungulula zuwo lia Yehova kanda achiheta.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

1 Samuel 2:25

Nyi mutu mavulumuna mutu ni mukwo, ngaji mamupatwila. Alioze nyi mutu mavulumuna Yehova iya mamuhakwila? Hindu kapanjikile liji lia tato. Mumu te Yehova kanazange kwashiha.

1 Samuel 2:6

Yehova kakushiha; kakupwisa ni mwono. Kakupalumwisa ku Shiole; kakukandwisa nawa.