Longeshi 3:2 - MUKANDA USANDU WA ZAMBI 1975

² tangwa lia kusemuka, ni tangwa lia kufwa; tangwa lia kutumba, ni tangwa lia kufukula chize atumbile;

Mukanda Wa Zambi 1970

² Kakutongola tangwa lia kusemuka ni tangwa lia kufwa, tangwa lia kutumba ni tangwa lia kuhela,

Longeshi 3:2 Iomraidhean Croise

Ubutukilo 17:21

Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

1 Yitanga Ya Mianangana 13:2

Yakololoka kulimika ni chilumbilo nikulita ni liji lia Yehova ngwenyi, Chilumbilo! Chilumbilo! Yehova kanambe ngwenyi, Umwe mwana makasemukina ku munyachi wa David jina lienyi Josia. Hali yena chilumbilo iye makashihila asasendote a manangamo waze akwochelaho insensu. Iye mochelaho yifwaha ya atu.

1 MIANANGANA 4:16

Profeta yamba ngwenyi, Ha kakweji yono, muze mwaka waheta nawa, kumukakwata mwana wa lunga. Pwo yamba ngwenyi, Hi chocho ko mwata wami. Ena uli mutu wa Zambi, kanda uhanjika mahuza kuli yami kavumbi ke.

Jobe 14:14

Nyi mutu mafwa matwama ni mwono nawa? Matangwa eswe a uvumbiko wami te mungutwaminyina, ndo mangutusula.

Jobe 14:5

Kashika, se hanamufunjika kulu matangwa jenyi; unanyingika kulu kwalula cha tukweji twenyi; hiwamusela njiza kahashile kupalika,

Jobe 7:1

Milimo ya mutu hano hashi te hi yikalu ko? Matangwa jenyi kapwile ngwe matangwa ja ngamba?

Miaso (Masamu) 113:9

Mumba kakumupwisa mukwa kufunga zuwo, akapwe semi ya ana nikuwahilila. Halisenu Yehova!

Miaso (Masamu) 52:5

Alioze Zambi makakwonwona ndo ku miaka ya mutolo. Kumakakupindumuna, kumakakumbuluniuna ku mbalaka ye. Kumakakutukula ku chifuchi cha akwa mwono.(Litulike.)

Yishima 24:27

Lulika milimo ye ya haze; lilulikila munda we mba kulutwe mutunga zuwo lie.

Izaya 28:24

Mukwa kulimina mbuto ni sharua kakulima tangwa ha tangwa? Kakuchipa ni kuchipula mavu jenyi matangwa eswe?

Izaya 38:1

Ha matangwa aze Hezekia wayijile, wapwile hakamwihi ni kufwa. Mba profeta Izaia mwana Amoze yeza kuli iye nikwamba ngwenyi, Yehova kanambe ngwenyi, Lulika zuwo lie, mumu kumuofwa, kuchi kumona mwono.

Izaya 38:5

Hiluka nawa wambe kuli Hezekia ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, munguweza ku matangwa je kumi lia miaka ni miaka yitano.

Izaya 54:1

Imba, ena mumba kwasemene! Putuka mwaso ni kulikwiza, ena kwafumbajalile! Mumu ana ja mukwa kuyindama mahiana ana ja mukwa ulo. Chocho kanambe Yehova.

Jeremia 1:10

Tangwa lino hinakusa helu lia mavungu ni mawanangana, ukatukule, ukapuzule, ukonwone, ukanungune, ukatunge, ukatumbe.

Jeremia 45:4

Amba kuli iye ngwe, Yehova kanambe ngwenyi, Ngunapuzula chize natungile; ngunatukula chize natumbile—ngwami, Chifuchi cheswe.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 15:13

Alioze waakumbulwile ngwenyi, Mitondo yize yeswe Tata wa mwilu kayitumbile kumakayitukula.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.

Luka 1:36

Mba musonye Izabele, iye nawa hanaseseka mwana-lunga ha ushinakaji wenyi; ni yono mwe kakweji wamuchisambano kuli yoze amuvulukile ngwo, Mumba.

Yoano 16:21

Pwo muze masema mwana, mapwa ni chinyengo, mumu ola yenyi hiyeza, alioze muze mwana hasemuka, keshi kwiwuluka nawa luyinda, ha uwahililo te mutu hasemuka hano hashi.

Yoano 7:30

Afupile kashika kumukwata, alioze niumwe kamukwachile, mumu ola yenyi kanda yichiza.

Yilinga 7:17

Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu.

Yilinga 7:20

Ha mwaka uze Mose wasemukine, wavumbile kuli Zambi; o amulelele tukweji atatu mu zuwo lia tato:

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Shimbi 34:5

Chocho Mose, kavumbi ka Yehova, yafwila mu chifuchi cha Moape nikulita ni liji lia Yehova.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,

1 Samuel 2:5

Waze akuchile halilinga ngamba a kulingila kulia, alioze waze evwile zala kayivwile nawa. Ewa mumba hasema shimbiali, alioze mukwa ana anji hahonga.