Longeshi 3:19 - MUKANDA USANDU WA ZAMBI 1975

¹⁹ Mumu chize chakuwana ana ja atu chakuwana tushitu nawa; chuma chimuwika chakwawana. Chize umwe kakufwa ni mukwo chocho kakufwa. Eswe kali ni mwiku umuwika ni mutu kakumbile kashitu se yeswe yapwa yamokomoko.

Mukanda Wa Zambi 1970

¹⁹ Mumu songo lia mutu lili ngwe songo lia kashitu. Cheswe akufwa kashitu, ni mutu nawa chizechene. Eswe aali kaali chitanga chimuwika. Mutu kahianyine kashitu, mumu mwono wa eswe aali uli wamokomoko.

Longeshi 3:19 Iomraidhean Croise

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

Miaso (Masamu) 104:29

Musweka meso je, o malipikala. Mwatambula mwiku wo, o kumafwa, kumahiluka ku fufuta.

Miaso (Masamu) 49:12

Alioze mutu keshi kulinduluka ni ulemu; kapwa ngwe tushitu aze akufwa.

Miaso (Masamu) 49:13

Yino jila yo yapwa uhepuke wo, hindu kulutwe atu matayiza yambo yo.(Litulike.)

Miaso (Masamu) 49:20

Mutu yoze kanatwama ku ulemu hindu keshi ni mana, kapwa ngwe tushitu aze akufwa.

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Longeshi 1:17

Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Longeshi 2:14

Mukwa mana kali ni meso mu mutwe wenyi, alioze chihepuke kakwenda mu milima. Hindu namwene ngwe chuma chimuwika chakwawana eswe.

Longeshi 2:16

Mumu mavulama mukwa mana chizechene ngwe kakuvulama chihepuke ndo ku miaka, se ku miaka ya kulutwe yuma yeswe makayivulama. Kuma, mukwa mana kakufwa chizechene ngwe chihepuke kakufwa.

Longeshi 7:2

Hapwa kuya ku zuwo lia masoji, hi zuwo lia muzumbu ko. Mumu kufwa, songo lia atu eswe, ni akwa mwono machisa ku mbunge.

Longeshi 9:12

Mutu keshi kunyingika mwaka wenyi. Ngwe yishi aze akufwila mu wanda upi; ngwe tujila aze makwachika mu kambwila, chocho ana ja atu kakukwachika ha mwaka upi muze muawana susumuku.

Longeshi 9:2

se songo limuwika liakwawana eswe; mukwa ululi ni chingulungulu, ni mupema, ni mukwa kulinanga ni mukwa kulichisa, mukwa chitapo ni yoze keshi kushiha chitapo. Chize apwa mupema, ni chivulumunyi, neye chocho; ni mukwa kulishinga chimuwika apwa ni yoze machina mashingo.

Kwalula 16:29

Nyi wano atu mafwa chizechene ngwe akufwa atu eswe, hanji nyi maatala nikulita ngwe matala atu eswe, mba Yehova kangutumine yami.